斗滾 (寶輝閣)

營業中

休息中

一行四人，幸運地臨時訂到位，位置在佐敦道廟街交界，地點方便。上到去見人頭湧湧，已經知道差極有限，坐低先嚟一個雞煲，出奇意料地好食，味道媲美貴價雞煲，啲雞好滑，野味十足。原本諗住留肚可以食其他，點知忍唔住食晒。海鮮盛宴跟住出場，海鮮款式算多，有鮑魚聖子石斑蜆，中間仲有啲索晒味嘅烏冬，味道正常發揮，冇驚喜。再嚟一個足料燉湯，竟然有成隻烏雞喺裏面，味道唔似落咗味精，好似屋企煲咗三個鐘嗰啲老火湯咁，甜到黐咗線！飲完湯再任食牛肉打邊爐，d牛肉絕對對得住個價錢，出邊仲有芝心丸魚皮菜豬紅鵝腸等等！當然唔少得我最愛嘅韓國公仔麵，出前一丁和烏冬。呢個價錢完全係大陸嘅價錢，只能夠講性價比十足，味道唔錯👍