鞍下熟成肉

營業中

休息中

最近天氣好凍啊，除咗打邊爐就諗起想食燒肉！呢間餐廳成日都係尖沙咀經過，成日見都幾full，所以最好book定位，當日去到有兩個餐，揀咗個premium course ($680)和牛他他配吐司，好好食呀！每件牛上枱見到啲紋路都係非常之靚，肥瘦相間。呢個套餐真係超豐富，可能係因為坐bar枱，由頭到尾都有專人幫我燒，好似食緊燒肉版嘅omakase😂 啲牛肉沾蘭王蛋真係好正，令到舊牛好滑嫩！仲要每款牛都好好食，好有驚喜，生熟程度全部由佢話事，全部都調校得啱啱好，好多都入口即溶！最後食埋碗飯同埋雪糕真係非常之滿足同埋飽。以一個套餐全部都係和牛黎講算好抵食，過時過節諗唔到食啲咩真係可以考慮呢間，仲要間唔中就會換餐牌，唔怕你食到厭。