Bamboo Thai (屯門市廣場1期)

營業中

休息中

難得放假，去咗屯門嗰邊郊遊順便影吓相。行到有啲攰，就去咗屯門市廣場覓食😋由於頭先行到好熱，所以都想食吓泰國菜，諗住會開胃啲。所以就去咗呢間Bamboo Thai食午餐。青木瓜蝦沙律酸酸甜甜，味道幾清新。份量不多不少，作為前菜啱啱好，勝在夠開胃。另外仲叫咗個脆炸豬肉春卷，應該係啱啱炸好，熱辣辣，用生菜包住嚟食幾好味。跟住就叫咗個火山排骨。店員好細心，見我哋得兩個人，就話俾我哋知叫細份已經得。呢過用排骨砌成嘅火山，賣相真係幾吸引。食起上嚟酸酸辣辣，有少少停唔到手嘅感覺。最後叫咗個越式生牛肉湯河。味道都係合格嘅，冇令人失望。