Bamboo Thai (屯門市廣場1期)

營業中

休息中

去咗屯市三樓食泰菜，由於即日想食但已經冇網上訂位，所以5點幾就walkin 去咗，限時 90分鐘！上菜都快，加上有啲肚餓，所以都好快清哂😂泰式燒豬頸肉真係好好食，斜切片上再沾泰式酸辣汁（青檸汁、魚露、糖、指天椒、乾蔥），勁開胃。厚薄啱啱好、有咬口，肥瘦分明，外焦內軟！再跟一碟馬拉盞炒泰國椰菜苗，唔算辣，麻麻地辣既屋企人都食到！重點係馬拉盞蝦醬香，夠惹味，而家係椰菜苗夠爽脆夠嫩，完全冇菜渣。由於都肚餓，所以叫左兩碟飯！第一係青咖喱炒虎蝦有機糙米飯，一般屬於中辣，屋企人話只係少少辣。其實辣味來自指天椒，不過有椰奶中和左辣味，成件事幾溫和！而且糙米飯夠軟綿又吸左咖哩汁、加埋大隻虎蝦，好好味！泰式火車頭和牛炒飯係用和牛、番茄、炸乾蔥一齊炒，飯粒有鑊氣、和牛都幾嫩口。不過牛肉份量係少咗啲，好似先得4-6粒，每人得一至兩粒。而呢個火山排骨真係必食，賣相已經夠吸引，堆到似火山咁高！而排骨都算多肉，側位全部都係肉、燉得軟腍又冇豬騷味，配埋酸辣湯汁，勁開胃，配白飯一流！最後，因為用匯豐卡埋單，就可以送一個芒果糯米飯！糯米飯Q彈、椰奶香濃，芒果正常甜度，作為埋尾甜品又幾好，平衡番口腔啱啱嘅濃味配料味道！

我未試過係香港遇到一間咁有泰國風情既餐廳 ！ 唔單單係裝修！ 最有誠意既係連溫度都模仿到同泰國街頭一樣 。 我一入門口未坐低都已經開始出汗 ，職員見到我既情況都提供左杯冰水俾我 亦都有推介佢地既沙冰產品。 食到咁上下 我真係熱到有小小暈暈地。忍唔住問職員 其實係咪刻意安排的？ 個答案令我有好大驚喜 。 個商場竟然聰明到 係5，6月 咁高溫既月份進行冷氣更新工程 ， 職員都一臉無奈同汗水 。 我坐係到都暈暈地 可想而知佢地做緊野既有幾咁舒服。 食物好，服務好， 都敵不過人禍 我真係頂唔住 我諗商場整好個冷氣之前我都同呢間餐廳無緣再見

六個人食晚飯，依間餐廳有得book位，加上位置都算好，座位都唔算太迫。叫左好幾樣嘢食青木瓜蝦沙律正常沙律蒜香炒椰菜苗份量比較少香茅雞肉炒飯個味有d似菠蘿炒飯精選拼盟有魚餅蝦餅春卷仲有米紙卷，share 一流。不過想切細件的話，店員比左鉸剪你自己剪。火山排骨（走辣）外表一流，但味道一般，唔知係咪因為走咗辣，所以好大陣蒜味。芒果糯米飯就算冬天，芒果都幾好食，糯米飯軟硬適中。總括而言，感覺唔算太正宗，但價錢都唔算平，為咗一大班人食飯的話都可以試下。

第一次試個蟹奄列以為好似電視果D切開裏面系蟹肉，原來只系灑系面，個類似xo醬先系靈魂，用左即刻有驚喜，個醬唔辣，落多D都無問題。（其他就今次有失水準，可能除夕主㕑休息？我全單外賣寫住加辣加辣，冬陰功湯濃到好似醬汁甘，又鹹到不得了，飲左2啖已經飲唔落第3啖，炒通菜竟然系走左辣，牛油雞翼食到中間有雪味，得碎肉包菜既碎肉辣得好ok，菜就唔同之前用細過手掌既又嫩又新鮮，今次既菜系大塊到2個手掌甘大要自己撕細佢，又好容易撕爛包唔到，我長期幫襯架，今次真系跌wat數。）平時我都唔會評論，今次忍唔住😂

屯門探朋友👥食左餐唔錯泰國菜～服務好好👍🏻至少不停會幫你添水😂😂😂🔥泰式手撕雞嫩滑的雞肉🐔配以香料和調味料🧂味道鮮美🔥泰式番茄海鮮湯米線海鮮湯底非常鮮味✨米線吸收了湯的精華🍲口感滑順☁️令整體味道更加豐富🔥姜黃烤鱸魚魚肉用姜黃醃制調味增添了風味層次😋鱸魚本身的鮮味與烤制過程中的焦香味相結合🔥再配上米粉柚子一齊～讓魚肉更加美味🔥椰子雪糕雪糕散髮出濃厚的椰子香氣🥥甜度適中👅讓人感覺清爽💨細膩質地賦予雪糕滑順的口感👍🏻再搭配甜粟米🌽風味更加多樣化

難得去一轉屯門搵朋友聚下 又點可以唔搵下好西食😝行完街肚餓 去左呢間位置屯門市廣場嘅 @bamboothai_hk 食泰國菜 地方乾淨企理衛生 有好多竹嘅deco元素 的確好泰feel今次無同bb去 但都有留意有bb椅 下次可以同佢再黎食 ❤️😋泰式海南手撕雞手撕雞雞撕唔鞋 食落好嫩滑 雞皮口感爽滑唔油膩 配搭埋d 辣椒, 芝麻,九層塔, 芫荽,木瓜絲,青瓜,洋蔥等 口感爽脆 層次感豐富 酸辣開胃😋泰式辣椒膏炒蜆見到呢個就話要叫 我好鐘意食蜆一放落枱已經好香 香到隔離枱都問staff我地呢碟係咩啲蜆無沙好鮮好惹味😋招牌蟹肉臘腸炒飯每一啖都有蟹肉同臘腸 兩個配搭起嚟好得意炒呢個飯真係粒粒都好飽滿好香好乾身而且唔會濕luplup 好香口😋泰式奶茶雪糕配椰青肉、花生及粟米我成日聽泰式奶茶 但雪糕真係無乜聽過仲要配椰青肉 花生 同最特別係配粟米個配搭好有層次 而且真係好泰式個雪糕都好濃嘅泰式奶茶味！好正😋荔枝青檸梳打荔枝嘅香甜 青檸嘅酸香 再加有氣梳打 解暑又開胃 飲落好清爽😋椰林飄香Virgin Pina Colada好濃嘅椰子同菠蘿味 沙冰嘅感覺 又清新唔甜好適合夏天飲！ 🏡： @bambo

☀️近來天氣太熱，為能夠刺激味蕾，我地去左位於屯門市中三樓的泰國菜。bamboothai係一間充裝修以泰國特式主題的親子友善餐廳，提供BB椅又餐具。菜式賣相好靚仲好啱一家大細去打卡🐔椰子雞湯陣陣椰子清香，加入了甜香椰奶，微微辛辣，既有南薑和檸檬葉的香，濃郁開胃🐷馬沙文咖哩豬肋骨帶著豐富膠質的軟嫩肋排以咖哩湯汁燉煮入味，輕輕一咬，帶著香氣的排骨肉脫離骨頭🦀 蟹肉臘腸炒飯鹹香的臘腸和鮮味的蟹肉兩者的結合下，令炒飯已有足夠的調味，炒飯粒粒飄香🧋泰式奶茶雪糕雪糕奶香口感綿密幼滑，還有泰國常有的雪糕 配料——鮮花、花生、椰子 和粟米🥤✨椰林漂香🥤✨菠蘿汁、椰奶、檸檬汁調製而成🥤✨九層塔青檸梳打🥤✨酸甜好好飲

今日happy Friday , 同事話想出去食泰菜， 經過屯門市廣場， 見到d 間餐廳裝修靚靚， 環境又舒服， 價錢合理， 就入咗去試吓.天氣太熱， 坐低即刻叫咗二杯野飲， 然後先慢慢再揀野食.新鮮椰子: 非常清甜， 個椰子又大個， 好消暑荔枝士多啤梨梳打： 唔太甜， 𠕇新鮮荔枝同士多啤梨肉， 正馬拉盞通菜： 好惹味， 大碟，又唔係好辣， 推介馬沙文咖喱豬肋骨： 椰汁同咖喱味濃， 豬肋骨好淋身， 件件都大大件， 扺食泰式蕃茄海鮮湯米線： 想食清啲可以叫d 個， －樣咁足料芒果糯米飯： 糯米飯即整， 煙煙銀銀， 有嚼口， 芒果好甜

突然醒起好似好耐冇食過泰國菜😜今晚一於食返餐先🤟🏻🤟🏻我哋食咗：⬇️⬇️✨泰式海南手撕雞✨$158有埋辣椒🌶️、紅蘿蔔、青瓜、洋蔥🧅、九層塔、芫荽、芝麻，青木瓜坐鎮既手撕雞肉質嫩滑，雞皮Q彈，酸酸辣辣咁，令人好開胃‼️✨泰式珍寶蟹肉奄列✨$198奄列既份量比我想像中大❗️食落蛋香滿滿兼帶有濃烈既蟹肉鮮味，食到小妹舔哂脷😌✨招牌蟹肉臘腸炒飯✨$148粒粒分明既炒飯上面鋪滿左超多蟹肉，一睇就知落重料😍系蟹肉嘅鮮甜同臘腸既鹹香同時夾擊之下，個飯香口又惹味，我哋食到個碟超乾淨🤣✨泰式奶茶雪糕配椰青肉、花生及粟米✨$68個奶茶雪糕茶味香醇又夠濃，入口順滑得梨仲會滲出陣陣奶香😍出色👍🏻👍🏻✨九層塔青檸梳打✨$58味道清新又夠氣，酸酸地咁超解渴👍🏻✨荔枝青檸梳打✨$58荔枝味好出，酸酸甜甜既果香味真係好啱夏天飲😍🔴Bamboo Thai📍屯門屯盛街1號屯門市廣場1期3樓3226號舖#BambooThai #CafeDecoGroup #thaifood #thaicuisine #thaidrinks #yummy #kol #foodie #thai

.Papa放假帶完肥妹去玩咁啱又近屯門🤗就嚟咗呢度食泰菜🙋🏻‍♀️之前個個都話呢間嘅泰菜個火山排骨好出色😍所以特登帶埋小朋友過嚟‼️一入到餐廳，所有裝修都好泰國🇹🇭Feel好正💯入邊又坐得非常舒服👍🏻啱晒一家大細帶埋小朋友嚟食嘢👍🏻🧄蒜香炒泰國椰菜苗🥬炒得好香口惹味😋但蒜香味道出奇地好搭配🉐火山排骨（必食）就係呢個火山排骨，所以我哋慕名而黎🥰果然冇失望！仲好驚喜添🥰份量多到三個人食都得 勁濃冬蔭公味道，食落少少辣，酸酸甜甜咁，勁惹味‼️🐟泰式醬油清蒸魚$198條魚好大條，而且蒸得岩岩好，好嫩滑啖啖肉，肥妹食咗好多肉新鮮椰青，芒果沙冰必飲‼️椰青非常多汁，仲有好多椰肉食💯芒果沙冰真係用新鮮嘅芒果製造出嚟！絕對不加任何其他化學物質😋只用新鮮嘅芒果製造🥭芒果糯米飯🍚上海嘅時候啲飯仲係暖😍椰漿夠多，芒果妹鮮甜，必食芒果糯米飯。📍Bamboo Thai（屯門市廣場1期）（屯門）屯門屯順街1號屯門市廣場1期3樓3226號舖#泰菜 #首選 #no1 芒果 #foodie #育兒親子樂

坐低咗水都無杯都算，我地會叫嘢飲，到飲完叫佢俾水，第一個職員應完無咗件事，屋企人見等咁耐就自己去斟水，職員見到就行埋去睇我屋企人做乜但都無幫手，屋企人得兩隻手只能取兩杯水回來，我地一行5人，再同第2 個職員講想要3 杯水，個職員望下我地張枱，咩都無講就走咗去，等咗一陣又叫另一個職員先拎3 杯水俾我地。可能用餐時間得90 分鐘，所以d嘢嚟得好快。唯獨蒜蓉包同油酥餅遲遲未到，同職員講，佢都幾唔禮貌，又兇我屋企人問邊樣未嚟，好似得罪佢咁，搞咗一輪，結果係落單個職員入單入漏咗。我地見差唔多每枱都叫火山排骨就試下，無諗過咁難食都可以做到招牌菜，似煲完湯嘅湯骨，又柴又無肉食又無味，試咗啖汁係好咸同酸，但d 味入唔到舊肉度。咖喱蟹唔合格，賣相ok 但無咖喱味。蝦餅好細件，應該改名叫迷你蝦餅，炒通菜同生菜包比一般餐廳細碟好多。生蝦同芒果糯米飯味道ok，柚子沙律一般，可以不試。成餐飯最好味係杯飲品，而飲品當中芒果比較好味。呢個價錢來講，份量真係少，而且限時90 分鐘，又無服務又受氣，呢餐飯體驗好差，又中咗「好評地雷」，絕對無下次。

今次我哋黎到以木同竹裝飾為主嘅𝐁𝐚𝐦𝐛𝐨𝐨 𝐓𝐡𝐚𝐢 🇹🇭，一入餐廳就好有自然氣息，廚師用新派嘅手法，將傳統泰國菜式重新演繹😍----🦐 黄金炸蝦餅配泰式香草醬 $108𝘿𝙚𝙚𝙥 𝙁𝙧𝙞𝙚𝙙 𝙋𝙧𝙖𝙬𝙣 𝘾𝙖𝙠𝙚𝙨 𝙬𝙞𝙩𝙝 𝙏𝙝𝙖𝙞 𝙎𝙩𝙮𝙡𝙚 𝙃𝙚𝙧𝙗𝙨 𝙎𝙖𝙪𝙘𝙚炸到金黃色酥脆，一咬落啖啖好爽口，另外配搭埋酸泰式香草醬，好夾✨--🐟泰式醬油清蒸魚$198𝙏𝙝𝙖𝙞 𝙎𝙩𝙮𝙡𝙚 𝙎𝙩𝙚𝙖𝙢𝙚𝙙 𝙁𝙞𝙨𝙝 𝙬𝙞𝙩𝙝 𝙎𝙤𝙮𝙖 𝙎𝙖𝙪𝙘𝙚好大條，而且蒸得岩岩好，好嫩滑😍啖啖肉，冇咩骨，小朋友都岩食👍🏻--🦀大蝦蕃茄蟹肉海鮮湯米線$98𝘾𝙧𝙖𝙗 𝙖𝙣𝙙 𝙋𝙧𝙖𝙬𝙣 𝙎𝙥𝙞𝙘𝙚𝙙 𝙏𝙤𝙢𝙖𝙩𝙤 𝙎𝙤𝙪𝙥 𝙍𝙞𝙘𝙚 𝙉𝙤𝙤𝙙𝙡𝙚大大隻蝦好入味，湯底好濃郁，配埋豆卜同肉碎，好滋味🤤--🥭芒果糯米飯$78𝙎𝙩𝙞𝙘𝙠𝙮 𝙍𝙞𝙘𝙚 𝙬𝙞𝙩𝙝 𝙁𝙧𝙚𝙨𝙝 𝙈𝙖𝙣𝙜𝙤每次都唔可以錯過芒果糯米飯😋軟糯香熱既糯米飯，加埋仲有酸甜嘅芒果果肉，真係好好味😍--🥥新鮮椰青𝙁𝙧𝙚𝙨𝙝 𝙔𝙤𝙪𝙣𝙜 𝘾𝙤𝙘𝙤𝙣𝙪𝙩 $68椰水好清甜，白色椰嫩口滑溜，食起上來好滋味😋--🍹 荔枝青檸梳打 𝙇𝙞𝙢𝙚 & 𝙇𝙮𝙘𝙝𝙚𝙚 𝙎𝙤𝙙

放暑假除咗周圍去玩緊係仲要周圍去食! 喺屯門玩完之後我地去左屯門市廣場行街，小朋友經過一間望落光猛坐得舒服，叫Bamboo Thai嘅泰國菜，見裏面有人飲緊椰青，未見過嘅佢哋勁想試🤣好似唔錯～就試吓佢先🤪我地叫左：✨黃金蝦餅 $108超crispy! 外面脆卜卜入面啖啖肉😍兩個仲想食埋我嗰份😒個sauce都特別，唔係一般酸辣醬🩷✨泰北咖哩雞腿金麵 $128超好食！！！本身我自己對金麵情有獨鍾！想隨卜卜又得，加番啲咖喱汁整返腍少少又得！兩個口味都可以同時擁有🙌🏻咖喱汁唔會太鹹，雞髀都好嫩滑一啲都唔嚡口！其實我可以食多個🤣✨泰式蕃茄海鮮湯米線 $98小朋友好鍾意呢個！一齊話個蕃茄湯同蝦蝦好好味呀🩷✨芒果糯米飯 $78食泰國嘢一定要叫! 不過之前試過其他地方啲糯米好硬🥹但呢度口感適中，重點係～芒果夠晒甜🤩✨✨椰青 $68小朋友第一次飲，佢哋覺得好新奇超開心呀🩷每飲一啖就話：好爽呀～～～！🤣🤣🤣✨熱帶風情 $62芒果控嘅爸爸直頭話因為呢杯嘢飲，下次再返嚟食過😅😂順帶一提呢度嘅staff好好禮貌😊玩夠食飽嘅一晚，happy night！

屯門依間「Bamboo Thai」嘅泰國菜都幾有特色，感覺每一道菜都融入咗Fusion菜嘅概念，依度嘅菜式好開胃，夏天嚟食飯就即刻有胃口。*此餐廳收取加一服務費。薑黃烤鱸魚（單點$228），表面鋪滿大茴香菜、香蔥、花生，原條鱸魚開半燒烤，魚皮口感香脆，魚肉肉質嫩滑，肉汁飽滿，近乎滴汁吸數嘅水分，味道鮮甜，對比魚身，魚頭嘅薑黃味道醃得更入味，食落更加香口，配以泰式青辣椒醬、泰式辣椒粉食用，食落好惹味，略嫌鱸魚細骨比較多；越南檬粉表面鋪有炸乾蔥，配以魚露甜酸汁食用，味道更佳，配菜包括有柚子、九層塔、薄荷、車厘茄、生菜。青咖喱炒虎蝦有機糙米飯（單點$158），表面鋪有九層塔、炸乾蔥、青檸，虎蝦肉質彈牙，略嫌鮮味欠奉，青咖喱炒飯食落類似Risotto，口感煙韌，味道微辣、帶有椰奶味道，內有蘆筍、紫洋蔥、辣椒。泰式海南手撕雞（單點$158），表面鋪有辣椒、九層塔、芫荽、芝麻，青木瓜、紅蘿蔔、青瓜、洋蔥口感爽脆，手撕雞雞皮口感爽滑，雞肉食落啖啖肉，味道酸辣。芒果糯米飯（單點$78），芒果食落好Juicy，味道香甜，糯米飯食落好溫暖，表面鋪滿椰漿、炸綠豆仁，味道甜帶微鹹。新鮮椰青（單點$68），椰子

今次試了一家在屯門的一間，全港都有好幾家分店，感覺有點保證。裝修以木和竹為主調，確實有種泰國舒服休閒感覺。椰子雞湯 Coconut Chicken Soup，椰汁和雞的組合就是絕配，喝下去已經非常舒服，還有不少雞髀菇作配料。泰北咖哩雞腿金麵 "Khao Soi" of Curried Chicken Leg with Fresh Egg Noodles，咖哩異常惹味，配蛋麵不停大口大口吃，咖哩好吃到雞腿好像變配角了。招牌蟹肉臘腸炒飯 Thai Preserved Sausage & Crab Meat Fried Rice，臘腸粒鹹鹹甜甜，搭上蟹肉的鮮味，炒飯再適合不過。芒果糯米飯 Sticky Rice with Fresh Mango，糯米飯夠暖，椰漿夠多，芒果夠鮮甜，已是一個好的芒果糯米飯。新鮮椰青 Fresh Young Coconut，夏日喝椰青水是最棒的。熱帶風情 Mango Hug，芒果菠蘿沙冰，夠冰涼。°°°°°°°°°°°°°°°°°°°°°°°°°°°°°°Bamboo Thai @bamboothai_hk📍 屯門屯順街1號屯門市廣場1期3樓3226號舖#MrsL