影片
更多
2017-11-25
12400 瀏覽
因為慶祝生日既關係，所以又係食好西既時候了～今次揀左星期六黎食午餐，午餐時段由十二點開始到三點，有成三個鐘食，時間都好充足揀得fine dining當然係要慢慢食，除左食野之外仲要食環境同架嘛～其實個環境真係唔錯，雖然樓底係矮左d，地方又細左d，所以係有少少嘈。不過都唔會聽到隔離傾計咁誇張既呢個麵包真係見到都想再食我係一個唔太愛食麵包、酥皮同唔食牛油既人，但係呢度既包我覺得好好之餘仲搽埋牛油食！呢度有四款唔同既包，毎款有兩個。牛油係混合左香草同埋蒜蓉。呢度有d 法包啦、牛奶包啦、混合左黑椒既酥皮包～呢度既酥皮做得好好，我好怕食酥皮既，雖然平時食開既牛油係好香，但係我覺得根本就得牛油味，其他既麥味什麼都沒有。所以我係唔食酥皮。加上質感問題啦，覺得d 野一塊塊咁⋯⋯但係呢度既酥皮包唔會一塊一塊，而且都有返個包既shape係度，搽埋特製牛油真係好好食！！其他包都好好食，個牛奶包同其他平價品牌比唔算好甜好香，但係反而清甜既味道更覺得係真材實料。而且個味道當然都好好啦！呢度既brunch 係可以叫三道菜或者係四道菜。咁我就叫左四道菜加一杯白酒～呢個係amenities，先食紅色個舊再食白色好似雪
今次揀左星期六黎食午餐，午餐時段由十二點開始到三點，有成三個鐘食，時間都好充足
揀得fine dining當然係要慢慢食，除左食野之外仲要食環境同架嘛～
其實個環境真係唔錯，雖然樓底係矮左d，地方又細左d，所以係有少少嘈。不過都唔會聽到隔離傾計咁誇張既
麵包
143 瀏覽
0 讚好
0 留言
呢個麵包真係見到都想再食
我係一個唔太愛食麵包、酥皮同唔食牛油既人，但係呢度既包我覺得好好之餘仲搽埋牛油食！
呢度有四款唔同既包，毎款有兩個。牛油係混合左香草同埋蒜蓉。
呢度有d 法包啦、牛奶包啦、混合左黑椒既酥皮包～
呢度既酥皮做得好好，我好怕食酥皮既，雖然平時食開既牛油係好香，但係我覺得根本就得牛油味，其他既麥味什麼都沒有。所以我係唔食酥皮。加上質感問題啦，覺得d 野一塊塊咁⋯⋯
但係呢度既酥皮包唔會一塊一塊，而且都有返個包既shape係度，搽埋特製牛油真係好好食！！
其他包都好好食，個牛奶包同其他平價品牌比唔算好甜好香，但係反而清甜既味道更覺得係真材實料。而且個味道當然都好好啦！
呢度既brunch 係可以叫三道菜或者係四道菜。咁我就叫左四道菜加一杯白酒～
Amenity~
130 瀏覽
0 讚好
0 留言
呢個係amenities，先食紅色個舊再食白色好似雪莎個舊。
其實兩舊野都係芝士黎，紅色我覺得芝士個種奶酪既味道重d，下面嗰個可以加左海鹽？所以係有d 咸味，重口味一d 既
開胃菜
118 瀏覽
0 讚好
0 留言
呢個開胃菜真係不得了，食完好開胃！
面頭係椰菜花片，切到好薄好薄。下面com 住左既係魚片黎，雖然得個幾塊又唔算好熱，但係好鮮甜、好滑！
因為呢個係開胃菜，所以d 味道係酸，好refresh之餘仲真係好開胃呀！個種酸唔係白醋個d 死酸，係恰到好處的
又食左包又食左芝士，呢個開胃菜真係好岩呀，開曬胃可以真正開始個brunch！
白酒
88 瀏覽
0 讚好
0 留言
雖然呢頭話開始食brunch ，但都要介紹下sparkling wine~
因為我想要d fruity 既味道，no matter taste or smell，所以法國人品酒師就幫我㨂左呢杯
飲落真係好正！好甜呀！ 但同時又有酒精既香氣，係一杯非常易入口既sparkling wine
（其實品酒師有講呢杯野係叫乜名同來自邊個國家，但係我都唔記得左 總之就好飲啦！）
前菜
88 瀏覽
0 讚好
0 留言
好啦～終於開始個brunch！
呢個前菜係生蠔加薑粒蒜粒，舖面係石榴啫喱，側跟塊餅就係食完蠔後清下味蕾同滯住既感覺。
呢隻生蠔係礦物味較重，所以配埋薑粒蒜粒好夾。雖然薑同蒜都係好重口味既野，但係因為有調過味既關係，呢兩種味道好重既配角都變得好fresh！仲有呢原來石榴啫喱配蠔都match 架喎！
不過我覺得呢個餸岩夏天食多d（雖然蠔係九月先開始當造），因為感覺真係好fresh啦
呢個係餐廳引以為傲既signature － 白蘑菇湯
入面有香蘑菇、波菜同埋粉團，豐富口感等個湯無咁dry
不過恕小妹就唔識欣賞啦
其實呢個湯係做得好好，好濃郁，而且好滑！佢個種滑唔係死落cream 同奶既滑。
淨係飲個幾啖湯都知隔左好多次渣同埋用左幾多料黎做呢個湯
但係我個人認為個味真係濃得滯啦，撈意粉都唔洗要咁多汁⋯⋯
如果可以調教一下稍為無咁濃我覺得會好好味⋯⋯
法國牛～
95 瀏覽
0 讚好
0 留言
好啦到main 啦！
呢個可以㨂和牛同埋法國牛，既然都黎到法國餐廳就梗係食法國牛啦！
呢個牛味係比較重，但就太有𡁻口左d。我個人認為呢個牛或者轉做其他做法，等d 纖維再軟化d 會更佳
牛味好重，配埋旁邊有d 蘿蔔、puree，正！
甜品
74 瀏覽
0 讚好
0 留言
最後最後啦！當然係甜品啦！
個trolley上面有好多甜品，我地就㨂左上面呢d～～
有一個要highly recommend
就係呢個好似林柿咁既野啦！佢係passion fruit 既味黎架！
呢個真係好好食，好香果味，又有咬口。
由on top 包住既jelly、之後中間有d 好似panna cotta 口感既糕狀既、中心就唔係醬黎，都係d 糕狀，但係再淋d 既！個底就crunchy crunchy～
好好味呀真係！
其實個eclair 都係serve 甜食waiter 既至愛，但係因為個餡有酒味，所以我不喜歡
反而我鐘意個fruit tart 多！個custard 好正啦、生果新鮮
latte x 3
62 瀏覽
1 讚好
0 留言
最後當然係要飲杯咖啡回味一下頭先既午餐啦！
估唔到去到最尾一round 都有驚喜！就係杯latte咖啡真係好好飲呀！
好有質素，唔係普通illy 咖啡咁簡單！
好香咖啡豆味啦、落左奶當然唔會苦澀啦（小妹唔食得苦呀，唔係人上人）
我覺得咖啡豆聞落好香，即係好似starbucks 個d 味咁，但係飲落通常都係兩回事。
呢杯咖啡我覺得聞落同飲落都係一樣味的
今餐真係好滿足呀！毎碟餸都細細碟，但係估唔到食落真係好飽！係飽到呢晚餐都唔洗食！
fine dining 都預左侍應好好服務，但係呢度d 侍應係好人到會陪你傾下閒計，好nice 好好人！
呢度既加一係好值得俾架！
highly recommend 大家過黎食飯，物有所值呀！
張貼
