牧羊少年咖啡館 (香港單車館)

營業中

休息中

大家可能食過牧羊少年，覺得冇咩新鮮感，但有冇去過單車館呢間先？如果冇，建議你比一次機會佢！呢度位於將軍澳一個平靜人工湖旁邊，比起商場鋪寫意得多。金沙鹹蛋黃鳳尾蝦小食推薦又爽又彈嘅蝦，灑上蛋黃碎，好惹味，忍唔住食多兩隻。蒜香牛肉碎松露醬雜菇意大利粉港式意粉多樣化，今次呢個配搭都幾夾。松露唔算好勁，配合蒜香可以提升整體味道。生薑味噌三黃雞三黃雞皮脆肉滑，內裡仲保持水份，口感一流。伴牛油烤椰菜花同日本南瓜，有心思。溫煮桂花黑糖茶 ｜ 蘋果肉桂香檸冰茶 套餐配凍熱特飲，好多選擇，又可以加配咖啡或者酒。Häagen-Dazs 雪糕杯味道係random嘅，今日有開心果味，食完好滿足。