牡蠣小屋

營業中

休息中

由居港多年的日本人主理，以日本生蠔專門店做主打的居酒屋，店家所有生蠔都是由日本直送，有岩手縣，福岡縣，兵庫縣，長崎縣，全部即開即煮，新鮮肥美，有啲生蠔嘅size仲好似我隻手掌咁大，喺香港都食到真正嘅日本風味，生蠔愛好者一定唔可以錯過，依家居酒屋仲做緊沖繩限定Menu，可以試到真真正正的沖繩味道🔮沖繩香檸汁生蠣即開肥美嘅牡蠣刺身，配搭上用沖繩直接入口的檸檬造成的香檸汁，肥美飽滿白雪雪，蠔身新鮮到反晒光咁，睇見已經流晒口水，上面po相由香檸汁就造成好似蒟蒻啫喱，一啖入口，口感牡蠣微脆又Creamy，蠔鮮味濃郁，微酸清香的香檸汁，提鮮又減膩，絕對係必食推介呀！🔮魷魚苦瓜天婦羅沖繩苦瓜可以為係沖繩島嘅名物之一，甘脆香口，而魷魚天婦羅火口亦炸得剛剛好，天婦羅粉漿薄而香脆，魷魚新鮮軟腍又彈牙，輕輕灑上一些鹽巴，更加提鮮🔮魷魚納豆以前嘅我好抗拒食納豆㗎，但係人大咗口味真係會有少少唔同嘅，我都唔記得幾時開始我開始接受納豆嘅味道，呢個魷魚納豆我覺得係一個幾特別嘅組合，黏黏的納豆和魷魚的黏身口感，味道鹹鮮有致，將日本嘅月見子拌混魷魚和納豆，冇諗過三者的味道加埋一齊竟然真係幾好食，真心覺得大家係可以一試嘅！