影片
更多
2021-05-10
1746 瀏覽
「牡蠣小屋」係「JunG39 Japan」係姊妹店，幾日前先開張咋，同樣係由日本人主理！之前幫襯過JunG39 Japan後我哋對食物質素同服務非常滿意。從JunG39 Japan IG知道姐妹店就快開張，於是就訂位試吓啦🤪一步入餐廳就見到大大個「牡蠣小屋」招牌掛住喺天花板，仲有個冰櫃放咗當日提供嘅海鮮及生蠔。餐廳地方唔算大，有二人四人枱亦有吧檯座位提供。同JunG39 Japan一樣採用開放式設計，坐吧臺嘅話係可以睇到師傅即場炮製美食㗎。「牡蠣小屋」以為蠔🦪為主題，其他日本🇯🇵美食 - 刺身、壽司、小食、串燒全部都有得食。▫️鐵盒燒生蠔 (HKD220) - 當晚係每枱都有點嘅食物🤤 店員首先將一個放滿生蠔嘅鐵箱同埋石油氣爐放上枱，然後就啓動時間器開始燒蠔。由於啲生蠔加入咗燒酒一齊燒，所以等食嘅時候係聞到陣陣嘅燒酒味。生蠔燒好後可以自己開或請店員幫忙😝我哋食嘅每一隻好都好肥美，海水味重，味道有少少鹹。呢個價錢係半打嘅份量，一打價錢為$380。▫️拖羅蔥花卷(HKD88) - 叫呢個卷嘅原因係好耐冇食過拖羅。店內食材由日本直送，質素同味道一定有保證嘛。▫️明太子芝士玉子燒(HKD98) -
一步入餐廳就見到大大個「牡蠣小屋」招牌掛住喺天花板，仲有個冰櫃放咗當日提供嘅海鮮及生蠔。餐廳地方唔算大，有二人四人枱亦有吧檯座位提供。同JunG39 Japan一樣採用開放式設計，坐吧臺嘅話係可以睇到師傅即場炮製美食㗎。
「牡蠣小屋」以為蠔🦪為主題，其他日本🇯🇵美食 - 刺身、壽司、小食、串燒全部都有得食。
▫️鐵盒燒生蠔 (HKD220) - 當晚係每枱都有點嘅食物🤤 店員首先將一個放滿生蠔嘅鐵箱同埋石油氣爐放上枱，然後就啓動時間器開始燒蠔。由於啲生蠔加入咗燒酒一齊燒，所以等食嘅時候係聞到陣陣嘅燒酒味。生蠔燒好後可以自己開或請店員幫忙😝我哋食嘅每一隻好都好肥美，海水味重，味道有少少鹹。呢個價錢係半打嘅份量，一打價錢為$380。
▫️拖羅蔥花卷(HKD88) - 叫呢個卷嘅原因係好耐冇食過拖羅。店內食材由日本直送，質素同味道一定有保證嘛。
▫️明太子芝士玉子燒(HKD98) - 玉子軟綿綿，無論入面或玉子上面嘅醬都有明太子。初初有啲擔心明太子會太鹹，搶晒啲蛋味。反而芝士味就唔太突出。
▫️蒲燒鰻魚 (HKD128) - 其實呢份鰻魚肉質係唔錯㗎......魚皮燒得太燶，味道有啲苦🙈
▫️串燒 - 冬菇、豬腩肉、雞翼 (每串HKD28-$38) - 串燒水準同JunG39 Japan一樣咁好。如果去牡蠣小屋我覺得可以試吓以蠔為主要食材嘅菜式例如牡蠣茶漬飯、鹹辛蠔及以上提及過嘅鐵盒燒生蠔等。
▫️串燒小丸子 (HKD28) - 甜品總共有兩款。呢個串燒小丸子係有醬油，味道係鹹㗎。小丸子口感煙靭，熱辣辣嘅時候沾多啲醬油一齊食好好味呀。
張貼
