牡蠣小屋

營業中

休息中

聞說日本人開既餐廳，太耐冇去過日本，就嚟呢度打下咭。一入門口已經見到好多新鮮食材，非常吸睛。餐廳有日本職員招呼你，加上日式的座位設計，令你去唔到日本都可以感受到和風。一系列”牡蠣”都可以係餐牌搵到，而且變化多，基本上你都走唔出”牡蠣”的五指山。彩虹魚生飯 $198魚生飯並非新野，但樽裝魚生就玩味十足，裝住各種魚生，蠔放入樽，由食客自己倒出再撈勻壽司飯，的確係幾過癮，絕對係打咭able。鐵盒燒生蠔 $220餐廳主打生蠔當然要試下招牌嘢。半打生蠔用鐵盒載住，以生蠔和清酒燒，非常有風味，隻隻蠔都係大大隻，飽滿啖啖肉，鮮味十足。明太子芝士玉子燒 $98巨型玉子燒口感嫩滑，切開仲有流心，又一好食又打咭able食物。鹽燒黑和牛 $88牛舌 $48牛胸腹肉 $48牡豪豬肉 $38免治雞肉 $38串燒都幾有水準，鹽燒黑和牛同牛舌爽嫩好食，免治雞肉配雞蛋醬汁香滑惹味，牡豪豬肉亦有驚喜，豬肉之中食到蠔香。拖羅蔥花卷$88滿滿拖羅蓉人見人愛，蔥花在色在味都生色不少。