影片
更多
2024-04-06
203 瀏覽
就算天氣熱都阻唔到我打邊爐嘅心癮🙌🏻今次黎到旺角「牛駅」打邊爐，平日夜晚黎都好多人😆不過價錢幾合理，簡咗$298 SRF美國極級和牛片全餐✨呢度地方大，環境好舒服😆重點係好多好多食物選擇，涼拌小菜、火鍋醬料、熟食、飲品同甜品都係非常多！火鍋配料例如丸類同蔬菜都有十款以上👍🏻👍🏻特別要讚嘅佢地keep到好乾淨同refill嘅速度都好快！─═★:;*─═☆:;*─═★:;*─═☆:;*─═★:;*🍲花膠雞鍋湯底入面真係有花膠喺度，絕對係真材實料，養顏又夠補，重點係唔太油膩👍🏻用QRcode落單，第一時間即刻點一轉肉類🔸美國極黑和牛SRF、牛板腱、美國牛肩胛肉、西班牙豬五花同澳洲羊肉片✨和牛大大塊，大約2-5秒食得，油脂唔算多，肉質好嫩，牛味濃郁😍肩胛肉好有咬口🥩另外有得order海鮮✨大蝦同沙白非常鮮甜，水魷魚、脆鯇魚片都可以試試！熟食除咗出邊有得拎，都有小量係有得order😆我叫咗幾次芝麻雞翼同鹽酥雞，非常脆口仲要好juicy😍乳鴿大大隻！🔸飲品、甜品飲品方面：我勁鐘意佢地自制茶，茶味都好出！珍珠奶茶又係必拎😆唔會話太大杯又可以過下口癮！仲有梅酒同啤酒，多人嘅話可以啤一啤佢🙈甜品方面：乳
不過價錢幾合理，簡咗$298 SRF美國極級和牛片全餐✨呢度地方大，環境好舒服😆重點係好多好多食物選擇，涼拌小菜、火鍋醬料、熟食、飲品同甜品都係非常多！火鍋配料例如丸類同蔬菜都有十款以上👍🏻👍🏻特別要讚嘅佢地keep到好乾淨同refill嘅速度都好快！
─═★:;*─═☆:;*─═★:;*─═☆:;*─═★:;*
🍲花膠雞鍋湯底
入面真係有花膠喺度，絕對係真材實料，養顏又夠補，重點係唔太油膩👍🏻
用QRcode落單，第一時間即刻點一轉肉類
🔸美國極黑和牛SRF、牛板腱、美國牛肩胛肉、西班牙豬五花同澳洲羊肉片✨
和牛大大塊，大約2-5秒食得，油脂唔算多，肉質好嫩，牛味濃郁😍肩胛肉好有咬口🥩
另外有得order海鮮✨大蝦同沙白非常鮮甜，水魷魚、脆鯇魚片都可以試試！
熟食除咗出邊有得拎，都有小量係有得order😆我叫咗幾次芝麻雞翼同鹽酥雞，非常脆口仲要好juicy😍乳鴿大大隻！
🔸飲品、甜品
飲品方面：我勁鐘意佢地自制茶，茶味都好出！珍珠奶茶又係必拎😆唔會話太大杯又可以過下口癮！仲有梅酒同啤酒，多人嘅話可以啤一啤佢🙈
甜品方面：乳酪雪糕係勁有驚喜🙈佢係好重乳酪味～另外係出面都拎咗d小蛋糕同芋圓仙草，Häagen-Dazs都係任拎😆好滿足呀！
張貼
