影片
更多
2023-09-23
36 瀏覽
作為牛角包愛好者，朋友介紹我一定要食呢間餐廳，因為入邊好多菜式都係用牛角包做，餐廳係尖沙咀The One，估唔到晚餐都係二百幾蚊，價錢非常吸引，第一次試龍蝦湯牛角包，初初上咗兩個包嘅時候，仲問侍應請問啲龍蝦湯係邊？原來切開個包龍蝦湯即刻流出來，非常有驚喜，味道亦都好好，龍蝦湯好香濃，牛角包夠香脆。套餐可以點2個前菜，鵝肝醬多士，好香多士，超級脆口，鍾意食零食嘅我，食完一塊又一塊唔停口。另外一款前菜係原個軟芝士配沙律，芝士味道唔會太濃郁，不過好香配埋陳醋同埋沙律一齊食，好有正宗意大利嘅感覺。主菜點左蟹肉伊面，非常好食，少少辣辣地好開胃，真係食到蟹肉同埋大量蟹子，唔會好溜，但係真係食到停唔到口。另外我哋叫咗威靈頓牛扒，酥皮上面有幾塊金箔，望落打卡感覺矜貴，但食落個皮做厚咗少少，不過牛柳入邊好淋，好精彩，都係好味嘅。甜品雪糕我揀咗焦糖燉蛋，小朋友見到可以揀牛角包軟雪糕又點會放過呢？份量真係好大舊，雪糕好香牛奶味好滑，配埋脆卜卜嘅牛角包，真係好夾好好味，成個餐有咁多嘢食估唔到價錢只係$300 幾左右，已經約定下個月再同朋友嚟食。
套餐可以點2個前菜，鵝肝醬多士，好香多士，超級脆口，鍾意食零食嘅我，食完一塊又一塊唔停口。另外一款前菜係原個軟芝士配沙律，芝士味道唔會太濃郁，不過好香配埋陳醋同埋沙律一齊食，好有正宗意大利嘅感覺。
主菜點左蟹肉伊面，非常好食，少少辣辣地好開胃，真係食到蟹肉同埋大量蟹子，唔會好溜，但係真係食到停唔到口。另外我哋叫咗威靈頓牛扒，酥皮上面有幾塊金箔，望落打卡感覺矜貴，但食落個皮做厚咗少少，不過牛柳入邊好淋，好精彩，都係好味嘅。
甜品雪糕我揀咗焦糖燉蛋，小朋友見到可以揀牛角包軟雪糕又點會放過呢？份量真係好大舊，雪糕好香牛奶味好滑，配埋脆卜卜嘅牛角包，真係好夾好好味，成個餐有咁多嘢食估唔到價錢只係$300 幾左右，已經約定下個月再同朋友嚟食。
張貼
