影片
更多
2023-05-05
54 瀏覽
今晚朋友請食飯，去咗呢間火鍋店，一聽名就知牛肉係重點，我哋得二個女仔，點咗4碟同牛有關既，另外點咗扇貝同其他配料。先點鴛鴦湯底，牛骨清湯配沙嗲湯，清湯好多牛腩蘿蔔，牛肉夠稔，湯頭清甜。沙嗲湯幾香同惹味，味道好濃郁。第一碟牛係信洲和牛肩胛，價錢親民，日本和牛有保證，果然上枱冇令大家失望，外觀非常吸引，肥瘦均勻，d紋理好靚，快淥快食，入口鮮嫩，食落軟稔稔，充滿牛油香味。第二碟係滑尾龍，朋友點點，大家唔知係咩，一問之下先知係牛近pat pat位置，賣相特別用煎pan 仔再加隻生蛋。以為係成日運動既位可能會嚡，不過食落一d都唔靭唔嚡，加上撈咗蛋漿，好嫩滑，好驚喜。放沙嗲湯底就變成沙嗲牛肉麵嘅沙嗲牛。第三碟係牛筋丸，手打真係唔同d，爆汁，牛味十足，每粒size 都好大粒，食落彈牙爽口。牛肉餃包得好精緻，皮薄餡料juicy, 牛味十足，好鍾意。除咗牛之外，都點咗d其他嘢，扇貝、蜂巢豆腐、響鈴、烏冬、蔬菜大致都唔錯。扇貝鮮甜。烏冬係手打，同日本製麵所合作做的，口感好煙韌，於沙嗲湯，正。我2款湯底都試過，個人認為如果食信州牛用返牛清湯更加好，因為沙嗲可能掩蓋咗少少牛味。616嘅牛肉的確係得，下次可以叫
先點鴛鴦湯底，牛骨清湯配沙嗲湯，清湯好多牛腩蘿蔔，牛肉夠稔，湯頭清甜。沙嗲湯幾香同惹味，味道好濃郁。
第一碟牛係信洲和牛肩胛，價錢親民，日本和牛有保證，果然上枱冇令大家失望，外觀非常吸引，肥瘦均勻，d紋理好靚，快淥快食，入口鮮嫩，食落軟稔稔，充滿牛油香味。
第二碟係滑尾龍，朋友點點，大家唔知係咩，一問之下先知係牛近pat pat位置，賣相特別用煎pan 仔再加隻生蛋。以為係成日運動既位可能會嚡，不過食落一d都唔靭唔嚡，加上撈咗蛋漿，好嫩滑，好驚喜。放沙嗲湯底就變成沙嗲牛肉麵嘅沙嗲牛。
第三碟係牛筋丸，手打真係唔同d，爆汁，牛味十足，每粒size 都好大粒，食落彈牙爽口。
牛肉餃包得好精緻，皮薄餡料juicy, 牛味十足，好鍾意。
除咗牛之外，都點咗d其他嘢，扇貝、蜂巢豆腐、響鈴、烏冬、蔬菜大致都唔錯。
扇貝鮮甜。
烏冬係手打，同日本製麵所合作做的，口感好煙韌，於沙嗲湯，正。
我2款湯底都試過，個人認為如果食信州牛用返牛清湯更加好，因為沙嗲可能掩蓋咗少少牛味。616嘅牛肉的確係得，下次可以叫多d人一齊食，試多d唔同牛既部位。
張貼
