影片
更多
2024-11-26
89 瀏覽
天氣轉涼最啱就係打邊爐，是晚同咗朋友嚟瓊華中心的牛大人，七點幾嚟到未使等位，但餐廳基本上已經滿坐。朋友話佢食過日本和牛餐好正，所以今次都係叫返呢個⭐日本黑毛和牛A4吃到飽餐，正價時段$488一位。湯底揀咗鴛鴦鍋另加$50，選了牛大人紅燒牛骨鍋併四目養生素食鍋，牛骨鍋微辣惹味，素食鍋清香有淡淡嘅菊花味😋個人比較鍾意清清地嘅湯底。入坐送嘅海鮮拼盤同和牛牛丸，海鮮盤有蟶子、扇貝、鮑魚同生蠔，新鮮爽甜，而和牛牛丸牛味十足，仲勁彈牙添🤤叫得呢個餐梗係要瘋狂食佢嘅黑毛和牛啦，牛油咁多入口超嫩滑，就算淥耐咗入口都冇揸，真係好好食🤤另一樣encore之選嘅就係呢款黑毛豬，豬肉都可以好嫩好香，真心正。其他火鍋料同小食等都好好食㗎，上菜快又冇漏單👍最驚喜係自助區嘅蔬菜竟然同時有皇帝菜同茼蒿，兩大重口味嘅菜今日都可以任食，爽啊！呵呵，好彩分開湯底，唔怕朋友嫌除味大啦🤭食飽飽爭取時間食埋甜品先，雪糕雪條任食，仲有仙草糖水都係任食🤤正正正。食足兩個鐘，埋單出去見到外邊原來排長龍等緊位，平日晚都好旺場喎👏
朋友話佢食過日本和牛餐好正，所以今次都係叫返呢個⭐日本黑毛和牛A4吃到飽餐，正價時段$488一位。
湯底揀咗鴛鴦鍋另加$50，選了牛大人紅燒牛骨鍋併四目養生素食鍋，牛骨鍋微辣惹味，素食鍋清香有淡淡嘅菊花味😋個人比較鍾意清清地嘅湯底。
入坐送嘅海鮮拼盤同和牛牛丸，海鮮盤有蟶子、扇貝、鮑魚同生蠔，新鮮爽甜，而和牛牛丸牛味十足，仲勁彈牙添🤤
叫得呢個餐梗係要瘋狂食佢嘅黑毛和牛啦，牛油咁多入口超嫩滑，就算淥耐咗入口都冇揸，真係好好食🤤
另一樣encore之選嘅就係呢款黑毛豬，豬肉都可以好嫩好香，真心正。
其他火鍋料同小食等都好好食㗎，上菜快又冇漏單👍
最驚喜係自助區嘅蔬菜竟然同時有皇帝菜同茼蒿，兩大重口味嘅菜今日都可以任食，爽啊！呵呵，好彩分開湯底，唔怕朋友嫌除味大啦🤭
食飽飽爭取時間食埋甜品先，雪糕雪條任食，仲有仙草糖水都係任食🤤正正正。
食足兩個鐘，埋單出去見到外邊原來排長龍等緊位，平日晚都好旺場喎👏
張貼
