影片
更多
2023-07-19
437 瀏覽
Pic 1 Fairfax Sandwich💰69簡單啲嚟講就係佢嘅招牌蛋治😹佢餐牌有寫低佢有咩元素：炒蛋🥚焦糖洋蔥🧅車打芝士🧀法蔥、是拉差蛋黃醬🌶️牛油麪包🍞當你以為味道會好混亂嘅時候😵💫佢又做得好平衡喎，一方抗衡另一方，唔會俾其中一方過分突出，又做得出層次，佢完全做到佢想做嘅嘢👍🏻係芝士味弱咗啲🥲聞落去主要係牛油香為主🧈咬落去，嗰包係軟熟，嗰蛋係滑嘅！✨食落去就唔同味道逐個出嚟。首當其衝嘅係牛油味🧈其次就係蛋味🥚不過好快就俾是拉差嘅微辣遮住咗🌶️最後就係焦糖洋蔥嘅甜去中和辣並做總結🧅種種味道都十分鮮明，互相配合😌咁問題出喺邊呢？就係太配合，冇咗一個主角🙈當然呢啲都係我嘅愚見嚟🫢就好似一套戲咁，若然所有角色嘅重量都係一樣，就會令觀眾嘅目光失焦，冇乜印象🫠嘢食都一樣，要令人留下一個深刻印象，就要少量食材作為主角去突出，而其他食材則作為配角去襯托😤今次呢個包真係太過平衡，同佢嗰以蛋為主嘅店名比起，真係會令人有落差感🥲如果你想食蛋的話，恐怕佢甚至比茶餐廳蛋治仲要差😞（咁本來蛋治就好勁嘅✨）不過如果你係想食eggslut，佢係一個唔錯嘅作品👍🏻Pic 2 Slut 💰58佢係一個用杯裝住啲薯蓉
簡單啲嚟講就係佢嘅招牌蛋治😹
佢餐牌有寫低佢有咩元素：炒蛋🥚焦糖洋蔥🧅車打芝士🧀法蔥、是拉差蛋黃醬🌶️牛油麪包🍞
當你以為味道會好混亂嘅時候😵💫佢又做得好平衡喎，一方抗衡另一方，唔會俾其中一方過分突出，又做得出層次，佢完全做到佢想做嘅嘢👍🏻係芝士味弱咗啲🥲
聞落去主要係牛油香為主🧈
咬落去，嗰包係軟熟，嗰蛋係滑嘅！✨
食落去就唔同味道逐個出嚟。首當其衝嘅係牛油味🧈其次就係蛋味🥚不過好快就俾是拉差嘅微辣遮住咗🌶️最後就係焦糖洋蔥嘅甜去中和辣並做總結🧅
種種味道都十分鮮明，互相配合😌咁問題出喺邊呢？就係太配合，冇咗一個主角🙈
當然呢啲都係我嘅愚見嚟🫢就好似一套戲咁，若然所有角色嘅重量都係一樣，就會令觀眾嘅目光失焦，冇乜印象🫠嘢食都一樣，要令人留下一個深刻印象，就要少量食材作為主角去突出，而其他食材則作為配角去襯托😤
今次呢個包真係太過平衡，同佢嗰以蛋為主嘅店名比起，真係會令人有落差感🥲
如果你想食蛋的話，恐怕佢甚至比茶餐廳蛋治仲要差😞（咁本來蛋治就好勁嘅✨）
不過如果你係想食eggslut，佢係一個唔錯嘅作品👍🏻
Pic 2 Slut 💰58
佢係一個用杯裝住啲薯蓉🥔再喺上面放隻慢煮蛋（溫泉蛋）🥚俾你用法棍薄片蘸住嚟食嘅嘢😹
聞落去就係牛油味🧈同生法蔥嘅青香味。
撈勻食落去都係以牛油味為主，再加些微蛋味，法蔥就起到少少解膩作用👍🏻
佢嘅薯蓉帶有少少顆料感，慢煮蛋嘅加入係令佢柔滑咗嘅👍🏻成個杯嘢雖然偏膩，但幾好食嘅😋
問題就係法棍薄片….硬㗎喎？😵💫佢三片得一片係好啲，少少脆。其餘都係又硬又韌🥲
嗰包係香嘅，亦都睇得出有落橄欖油焗過🙊但可能佢人流多整定呱🫠（但見到蛋係即炒嘅）
服務嚟講，普通通通，執嘢幾快手
環境就好似M記咁😹冇咩特別
完整總結：
如果大家唔抱住「佢啲嘢食蛋嘅元素一定勁突出！」嘅心情去食，其實係ok嘅😌至於嗰法棍脆唔脆，大家睇運氣啦😹
食物：🌕🌕🌕🌑🌑
環境：🌕🌕🌕🌑🌑
服務：🌕🌕🌗🌑🌑
語言：英文
是次消費地址：
銅鑼灣記利佐治街11-19號Fashion Walk地下及1樓
Fairfax Sandwich
$69
27 瀏覽
0 讚好
0 留言
Slut
$58
24 瀏覽
0 讚好
0 留言
張貼
