MORE YOGURT

營業中

休息中

食完飯周圍行下散步，望到周圍好多飲品舖即時覺得口渴，咁岩又想飲下牛油果就試下呢間。雖然呢間主打牛油果但佢都有其他口味，例如榴槤。我今次叫左原創牛油果乳酪奶昔，落單個時個店員問使唔使小甜，一般奶昔沙冰未必有得揀甜度，因為要有糖先打到起沙。今次揀左無糖因為平時都飲開唔甜或不加糖。等左幾分鐘就可以拎，店員好細心笠左紙套，一見到杯野有小小出乎意料，面頭有唔少牛油果粒，飲落覺得幾足料。雖然無額外加糖但唔覺得無味淡口，可能乳酪本身有糖？牛油果味好同乳酪味都飲到，唔水（有時唔夠糖杯野會好水唔似沙冰），飲飲下有小小似飲緊豆乳，個味幾得意，飲到最後食埋d 牛油果好滿足。鐘意牛油果既朋友可以一試，但杯野一個人飲應該幾飽肚，建議可以2個人share。