影片
營業時間
今日營業
12:00 - 23:30
星期一至日
12:00 - 23:30
以上資料只供參考, 請與餐廳確認詳情
食家推介
相關文章
今次真係要同大家講下旺角呢間苿酸奶，堅係掂我上個禮拜同班friend行街行到身水身汗突然間見到間鋪頭排長龍心諗：『咩料啊？酸奶都可以排成咁？』跟住個鼻哥窿就聞到陣陣茉莉花香，即刻醒神晒！ 芒果乳酪奶昔 -一攞到手已經聞到超香芒果味仲見到杯邊掛住啲新鮮芒果蓉，未飲已經流晒口水！ 第一啖啜落去，嘩！個口感滑到好似絲綢咁芒果嘅香甜同乳酪嘅微酸完美配合，甜度啱啱好唔會漏。最正係入面仲有啲細細粒嘅芒果肉，咬落去爆汁，正！ 冰粒打得夠細碎，飲落去完全唔會覺到有冰渣成杯好順喉 大熱天時飲真係爽到震！Oreo乳酪奶昔 -哇！呢杯Oreo乳酪奶昔真係邪惡到爆燈！一拎上手就見到成杯黑蚊蚊，面頭仲鋪滿Oreo碎第一啖飲落去，Oreo嘅朱古力味即刻爆出嚟同乳酪嘅微酸出奇地夾！質地超creamy仲有啲餅碎係入面增加口感每啖都咬到脆脆地，正！
繼續閱讀
今日掃街掃到旺角，見到呢間「More Yoghurt」大排長龍，我又排埋一份😆呢到專攻健康系乳酪甜品，簡直係健康控基地！牛油果x乳酪雙重暴擊😋仲要全部都整到靚到似藝術品，勁打卡able！ 🥑 巴旦木牛油果乳酪奶昔堅果控必飲！一入口超濃郁牛油果蓉，質地勁creamy，巴旦木碎打碎融入乳酪底，每啖都有脆脆口感，微甜唔膩，飽肚得嚟無罪惡感，飲完成個人都refresh晒！ 💚 輕燃綠抹牛油果super bowl視覺治癒系🏆！乳酪base鋪到滿瀉，中間仲要整到漩渦形好靚。旁邊配上新鮮牛油果片、龍眼肉、藍莓、燕麥脆脆，口感勁豐富！飽肚感強，當輕午餐都得！店舖仲有好多其他唔同健康飲品同乳酪，下次黎要試埋先得！😇
繼續閱讀
## 食評：旺角More Yogurt今日天氣好熱，同老婆喺旺角行街時，發現咗一間賣新鮮水果嘅Yogurt drink店，吸引力十足！### 飲品1. **開心牛油果乳酪奶昔**： - 味道非常濃郁，開心果味十足，整杯飲品都好Rich，飲落去真係好滿足又解渴，適合夏天享用。2. **巴旦木牛油果乳酪奶昔**： - 店員用整個牛油果一次過放入，材料用得好足，半糖的甜度啱啱好，份量非常足，飲完之後有啲飽，真係值得一試。### 總結整體而言，夏天飲呢兩杯足料嘅乳酪飲品非常滿足。雖然價錢唔算特別平，但係用料豐富，絕對值得。以後再來旺角一定會再光顧！
繼續閱讀
旺角豉油街開咗間「MORE YOGURT」😍😍 勁好味嘅乳酪飲品，位置方便易搵，店面乾淨企理，標榜「NATURAL FEELINGS」，即叫即榨，注重食材天然原味，仲可以按喜好調校甜度同追加配料，夠晒貼心彈性～🥑巴旦木牛油果乳酪奶昔 (大杯，少糖）$54果然係 top 1 choice💯 牛油果嘅份量十足，飲品呈現柔和嘅淺綠色，質地極之Creamy同綿滑🤤 巴旦木嘅獨特香氣同細碎顆粒清晰可辨，增添豐富口感同濃郁堅果風味，同牛油果嘅脂香同乳酪嘅微酸結合得天衣無縫🥰 🫐藍莓乳酪奶昔 (大杯，少糖）$45 入口即感受到藍莓天然嘅酸甜果香，同乳酪本身嘅微酸同柔滑質感完美融合💙藍莓嘅鮮明果味突出，整體味道自然清爽，唔會死甜，質地濃稠適中，飲落順喉又有飽腹感🫶🏻
繼續閱讀
旺角有好多手搖店🥤但係我都係情有獨鍾呢一間🩷因為有好多唔同嘅新鮮水果選擇🥑🍐🍑而我自己就比較鍾意牛油果🥑🥑🥑雖然旺角兩間分店都好近，但係每次兩邊都一樣好多人排隊😂😂😂今次我就自己叫咗杯原創牛油果乳酪奶昔🥑🥤呢個就係最經典款嚟嘅佢杯飲品面仲有好多嘅牛油果肉🥑🥑通常飲完之後呢我仲會打開個蓋搵飲管整啲牛油果肉出嚟食，超級新鮮鮮甜，同埋其實飲一杯都已經好飽好足料，建議可以叫返少甜，感覺好似更加健康啲朋友就話想試吓新嘢，就試咗另一款巴星木牛油果乳酪奶昔🥑🥑佢就多咗杏仁味，係另一種唔同嘅口感同風格，價錢就比經典款貴$8兩樣我都試咗，我自己都係比較喜歡原創嗰隻❤️❤️❤️❤️
繼續閱讀