牛極 (彌敦道)

營業中

休息中

午飯時間去開油麻地彌敦道，經過牛極，就不如簡簡單單食個快飯。牛柳 200g $110今次唔叫最平既牛肩扒啦，叫左豪少少既牛柳，有成200g，都幾大塊！上枱既時候塊牛柳外面全熟，入面就未，要自己係塊熱石板上加熱，要幾熟有幾熟。塊牛柳都唔韌，的確比最平既牛肩扒嫩d。外面加左少少黑椒粒同蒜片調味。燒肉汁呢度得兩款俾你揀，分別係自家製燒肉汁同蒜蓉。都有鹽同其他調味料。同其他分店一樣，米飯，湯，沙律，水都係自助任食。水係檸檬水而唔係清水。湯係日式牛肉湯，其實有d似羅宋湯，不過完全唔辣，有牛肉片同紅白蘿蔔片。沙律菜係生菜同少少車厘茄，都好新鮮，有胡麻同柚子沙拉汁自己落。簡單快捷又一餐。