正九清湯腩 (群星大廈)

營業中

休息中

我試咗清湯牛三寶幼面拼蘿蔔紫菜，整體體驗非常滿意。牛腩啖啖肉，雖然有簡肥瘦，但我冇特別要求，覺得幾夠牛味又唔會太肥，口感相當好。牛根軟淋，入口即化，真係一口咬下去就冇得停。牛肚厚厚嘅，有咬口，煙韌得來唔會過硬，咬下去特別過癮。腩汁較少，味道偏清，適合想食得輕鬆嘅朋友。枱面有辣椒油，可以隨意加，增添咗多一層香味，令整碗麵更加美味。幼面唔會發漲，口感爽口，搭配上面嘅牛肉同湯底，真係好合適。而且蘿蔔有三舊，吸收咗湯汁，味道清甜，增添咗整碗麵嘅層次感。紫菜香鮮，唔會起沙，食落去非常舒服。店舖除咗有清湯以外，仲有咖喱選擇，仲有一個叫牛肉羹，店員講話如果係淨食嘅話，湯會偏稠身，下次我一定要試吓。整體而言，呢間店嘅食物質素高，味道出色，值得再來光顧！