Dan Ryan's Chicago Grill (海運大廈)

營業中

休息中

通常隔一排都會約下朋友食飯 我同朋友都鍾意食牛扒🥩每次同你個朋友食飯都係食西餐多今次就一齊去食Dan Ryan‘s朋友係典型嘅眼闊肚窄型 佢食得少 但我哋都叫咗2個appetizer同1個main courseAppetizer係Nachos同烤雞墨西哥夾餅Nachos脆口仲有濃濃嘅芝士鋪喺面，酸忌廉開胃，蕃茄莎莎醬好fresh，牛油果醬都唔「漏」，我哋食下又一塊，食下又一塊，但都仲有好多（我哋已經係叫半份）份量十足牛扒方面，我哋叫做medium rare嘅封門柳，火候控制得好好，唔會煎過咗火但我哋最欣賞嘅係炸蕃薯條，炸蕃薯條甜甜地，好食過普通薯條，每次見到如果餐廳有提供炸蕃薯條，一定會將普通薯條轉做炸蕃薯條🍟飲品方面，我哋叫咗一杯蘋果嘅特飲同埋一杯Cocktail，杯Cocktail叫做smoke on the Water，原本以為杯Cocktail係有煙飄出嚟，點知其實啲煙已經滲入左喺酒入邊，入口有煙熏味（其實都有少少似香爐咁樣嘅煙味😝）幾特別，不過我諗我下次會揀過另外一款嘢。餐廳環境比較靜啲，每台之間都有一定空間，朋友聚會就可以放心傾偈啦！