Top Blade Steak Lab (梭椏道)

營業中

休息中

喺何文田從亞皆老街見到蜆殻油站之後行入去梭椏道就直到呢間西餐廳。餐廳面積唔大，但老闆胸𦡞濶大，響呢度叫左炸薯條食，食完可以再食，無錯，喺任食炸薯條，仲要係黑松露炸薯條，因為即炸，所以脆卜卜，唔知佢地係用邊度買嘅薯條呢，脆卜卜得嚟又煙煙勒勒，特別得嚟又好食。又叫左個美國390日谷飼prime級嘅牛扒食，要求熟嘅程度喺medium rare ，上檯時仲好特別咁見到配上朱古力醬，唔好話從來未試過朱古力醬配牛扒食，真的連諗都未諗過，不過入口確實味道又唔錯喎，最欣賞喺牛扒碟上灑滿雪花幼鹽，切一塊靚牛扒再加上小小鹽，味道一絶，冇得輸。甜品要左熱情果芒果tart ，兩種生果冇話邊個搶左邊個嘅味道，同一時間口腔中有熱情果同埋芒果味，正呀！