影片
更多
2024-10-26
642 瀏覽
諗起片皮鴨，就一定會諗起古琴雅宛，記得之前公司包場食飯就係去了尖沙咀的古琴雅宛到食，一試難忘😋今日就約朋友去回味下😎今次去了位於銅鑼灣利舞臺廣場既分店，地點非常便利👍🏻附近仲有好多商場同購物區，最岩食飽行埋街😎當日客人都比較多，好熱鬧☺️雖然無得揀卡位座，但係圓枱既座位同空間都好闊落，餐廳整體環境都好舒服☺️今次蠢咗㖭！🫣去到餐廳先上OpenRice碌下睇吓點咩菜好，就發現原來而家有預早訂座優惠，同埋生日優惠🫣 （2-4位贈花雕醉雞/5位起贈特色拼盤&生日優惠大激賞）下次一定要叫多啲朋友一齊嚟食先得🤭-茶位$18/1人-餐前小點$18入座後，店員就會放低一碟醃製嘅酸蘿蔔素菜小食，酸酸地幾開胃😋我幾鍾意哩類小菜🤭烤北京填鴨半隻$228餐廳以傳統掛爐烤製，烤鴨新鮮出爐，片皮鴨用了好可愛的鴨型碟上菜😍只係望著已經充滿食慾。我最喜歡呢度嘅配菜，除了基本的青瓜絲、京蔥，仲有我最愛嘅哈密瓜🥰配搭埋少少甜麵醬，同埋少少糖包住皮脆肉嫩的烤鴨，充滿鴨嘅香味，然後又帶有啲清新嘅感覺，食落好舒服，唔會好油膩😋仲有一個超值得讚嘅位就係，鴨卷餅厚度適中，即使過了一段時間仍然保持煙韌狀態，口感好好👍🏻整個配搭簡直係完
諗起片皮鴨，就一定會諗起古琴雅宛，記得之前公司包場食飯就係去了尖沙咀的古琴雅宛到食，一試難忘😋今日就約朋友去回味下😎
今次去了位於銅鑼灣利舞臺廣場既分店，地點非常便利👍🏻附近仲有好多商場同購物區，最岩食飽行埋街😎
當日客人都比較多，好熱鬧☺️雖然無得揀卡位座，但係圓枱既座位同空間都好闊落，餐廳整體環境都好舒服☺️
今次蠢咗㖭！🫣去到餐廳先上OpenRice碌下睇吓點咩菜好，就發現原來而家有預早訂座優惠，同埋生日優惠🫣 （2-4位贈花雕醉雞/5位起贈特色拼盤&生日優惠大激賞）
下次一定要叫多啲朋友一齊嚟食先得🤭
-茶位$18/1人
-餐前小點$18
入座後，店員就會放低一碟醃製嘅酸蘿蔔素菜小食，酸酸地幾開胃😋我幾鍾意哩類小菜🤭
烤北京填鴨半隻$228
餐廳以傳統掛爐烤製，烤鴨新鮮出爐，片皮鴨用了好可愛的鴨型碟上菜😍只係望著已經充滿食慾。我最喜歡呢度嘅配菜，除了基本的青瓜絲、京蔥，仲有我最愛嘅哈密瓜🥰配搭埋少少甜麵醬，同埋少少糖包住皮脆肉嫩的烤鴨，充滿鴨嘅香味，然後又帶有啲清新嘅感覺，食落好舒服，唔會好油膩😋仲有一個超值得讚嘅位就係，鴨卷餅厚度適中，即使過了一段時間仍然保持煙韌狀態，口感好好👍🏻整個配搭簡直係完美😋😋
蟹粉扒豆苗$178
秋風起，又係食蟹既時候🤭又鍾意食蟹膏蟹粉，又鍾意食豆苗既朋友真係唔可以錯過呢個菜😋
豆苗既份量同蟹粉嘅份量都好足，豆苗亦好鮮嫩配上充滿鮮味既蟹粉一齊食真係好滿足 🤭💗
花雕醉雞$98
這是一個冷盤的菜式，上菜時已經聞到好香既花雕酒味，每件雞都吸收咗好濃郁嘅花雕酒味，醉雞嘅質感好滑，而且雞皮好似啫喱狀咁好爽口好好味，連平時唔食雞皮既我都忍唔住食左幾塊皮😆
整體而言，同我以前係尖沙咀分店食既一樣咁好味😋美中不足嘅係，今次得我同朋友兩個人點唔到太多菜式🥹下次一定要叫多啲朋友，仲要記得記得記得預先網上訂座睇吓有咩優惠😎😎
店名：古琴雅宛
餐廳地址：銅鑼灣波斯富街99號利舞臺廣場8樓B號舖
張貼
