古琴雅苑 (太子集團中心)

營業中

休息中

好耐無食片皮鴨啦🦆，今日過到嚟近到好出名食片皮鴨嘅餐廳- 古琴雅苑，餐廳位於尖沙咀太子集團中心，佢嘅烤北京填鴨師承北京「全聚德」，餐廳選用上乘北京填鴨，以傳統掛爐烤製，烤鴨新鮮出爐，烤鴨師傅亦會大展刀工即席片鴨。 客人可以透過玻璃望到晒師傅嘅刀工同埋廚房環境，非常乾淨衛生。 第一時間我哋即刻點個招牌嘅北京填鴨先，上檯嘅時候，職員分開咗兩碟，一碟只係得幾塊嘅一口酥，屬於鴨下巴位置，非常酥脆，油香味十足🤤。 片皮鴨唔會過份油膩，皮肉比例鮮明。熱辣辣鬆軟嘅餅皮，包住香脆又充滿油香嘅鴨皮同埋嫩滑嘅鴨肉，配上創新配料，有青瓜🥒、京蔥同哈蜜瓜，加埋香甜嘅黃梅醬汁同砂糖，既可以解除油膩感之餘，口感層次亦相當豐富。 花雕醉雞雞肉嫩滑入味，皮肉間有水晶般剔透膠質，酒香撲鼻芬芳，肉質色澤動人，餐前小食最好不過。 上海粗炒都炒得好香，軟淋度剛剛好，亦唔會太過油。肉絲嫩滑。