淥鼎記

營業中

休息中

父親節同我老爸嚟飲茶，之前已經同兩老、其他親戚呢個飲茶。媽子想再試其他點心，所以趁着父親節就過嚟食多次。冇預先book位，但係等咗一個鐘都入到座算係好運，仲加坐喺近窗口位感覺比上次更加開揚。其實早期開業打邊爐嘅時候已經覺得呢間嘢唔錯。上次試埋佢啲點心基本上都係熱辣辣。但係可能今日比較忙有兩個點心都係常溫。值得推介係個菠蘿包鹹甜適中，相當鬆軟。另外個蝦球都相當彈牙。老爸最鍾意食象形，所以點咗個柱侯醬俾佢，啲魚肚吸晒啲醬汁超邪惡，但好好食。另外個蔥油雞小食就有少少失望比較多骨冇乜肉。另外個芋頭糕出邊切咗一層糯米係幾特別，但係老人家食可能會覺得黐牙。節日偶有失手都可以理解，基本上八成都係保持到水準。事次用餐為自費的！