影片
更多
2007-01-29
17 瀏覽
一行4大2小.. drive兩架車去試食.. 其實只係我地2人未食過.. 其實心中一早已知呢間小店出名，脾氣亦出名好有性格.. 亦有一個特定既order模式.. 亦係OPENRICE到睇過下食評，已有心理預備~~ 但為食既我.. 會尊重寸得起既人和事既~~講食物方面先，呢個就好主觀既.. 見佢個餐牌只寫明，豬骨會有少量味精，其他即係無啦~ 好！叫一個叉燒麵鼓小辣.. 麵質都幾好，彈牙，不過鹼水味重.. 個湯亦咸~ 叉燒呢.. m.. 講真.. 水準一般.. 有點"un"~而其他小食.. 都試左幾樣.. 有炸薯餅(幾好的!!鬆化~)、炸雞(粉多過雞.. 麻麻)、芝士餃子(講真.. 芝心丸好食好多，芝心丸既液化既芝士重有得係口中流流下.. 重有得拉絲.. 亦可放凍一點食糖心.. 但芝士餃子呢俾唔到呢d芝士既溫暖感我!失望!!)、炸年糕(呢個ok既.. 放湯後好軟糯)、餃子(一個字.. 咸! 食左啖.. 唔想食~)但令我覺得不知所謂既.. 係佢地既態度!!日本人做事有禮誠實，對自己要求高同執著！不過呢間麵店真係.. 無禮︰ordering procedure唔講了.. 地方唔講了.. 老闆娘
講食物方面先，呢個就好主觀既.. 見佢個餐牌只寫明，豬骨會有少量味精，其他即係無啦~ 好！叫一個叉燒麵鼓小辣.. 麵質都幾好，彈牙，不過鹼水味重.. 個湯亦咸~ 叉燒呢.. m.. 講真.. 水準一般.. 有點"un"~
而其他小食.. 都試左幾樣.. 有炸薯餅(幾好的!!鬆化~)、炸雞(粉多過雞.. 麻麻)、芝士餃子(講真.. 芝心丸好食好多，芝心丸既液化既芝士重有得係口中流流下.. 重有得拉絲.. 亦可放凍一點食糖心.. 但芝士餃子呢俾唔到呢d芝士既溫暖感我!失望!!)、炸年糕(呢個ok既.. 放湯後好軟糯)、餃子(一個字.. 咸! 食左啖.. 唔想食~)
但令我覺得不知所謂既.. 係佢地既態度!!
日本人做事有禮誠實，對自己要求高同執著！
不過呢間麵店真係..
無禮︰ordering procedure唔講了.. 地方唔講了.. 老闆娘既要求不講了.. (因為太多人提及過) 但佢可以禁止我地放番架BB車上我地架車.. 會唔會有D過份呢？2個小朋友，1個2.5YR，1個手抱8個月，咁我地唔知道係唔可以係店內開“BB車”同“輪椅”既~ 好.. 佢同我地講地方有限.. 要求我地收起.. 無問題.. 收.. 咁我地想放返上自己架車.. 都係出於好心.. 唔好阻佢地方.. 竟然用廣東話同英文分別用制止既語氣.. 話唔使放返去你地架車.. 接起放係某個牆角就得! 太過份.. (可能佢
都覺得我地太過份.. 唔聽佢講.. 要放返自己D野上自己架車!!!)
不誠︰好見佢話除左豬骨有少量味精，咁當然唔叫啦~! 食食下佢見有小朋友.. 又問我做咩唔叫豬骨.. 話我家陣食既麵鼓唔岩小朋友架.. 叫豬骨呢就無味精，可以飲晒~ ((我心想.. 你寫就話有.. 家陣SELL我就話無.. 即係點呀？))
唔見得有要求同執著︰一向日本人只會把事做好，食話好多麵店.. 都係.. 好野食就賣貴一點! 我想講既係.. 佢小得可憐既湯.. 只係剛剛蓋過麵.. 講真如果唔係湯太咸，平日我會飲晒D湯的.. 唔夠湯咩？好！加$，$$FOR幾多CC咁.. 啦.. 港產店九記，放滿碗既湯，講真都夠架喇.. 覺得好飲，唔夠喉既咪俾$架囉.. 但食拉麵，真係未試過見過呢個情況!! 只係緊緊蓋過麵的湯就夠了？得半碗未夠既湯.. 我只想.. 係唔係為左一點點既湯，咁計教？又或者大家既標準不同.. 可能佢覺得只係緊緊蓋過麵的湯就夠了.. ((再次. 執著既係我!!!))
講真.. 佢既麵已經好過好多店連鎖店、有其他日食既小店，呢個係真既！不過唔係我係香港食過最好既.. 好過佢既重好大把！橫掂都要DRIVE去既.. 我唔會再去了.. 一來食物真的不令我回味.. 二來性格太獨特了~ 我夾不來！~~
個人既小小意見~~ 爵士拉麵FANS 唔岩聽既見諒啦~~~
張貼