Mini Friday (The Wave)

營業中

休息中

觀塘依間「Mini Friday」之前嘅Menu有好多新菜式選擇，所以除咗可以喺度食到西餐之外，仲可以食到韓國菜，不得不說依度嘅韓國菜拍得住出面韓國餐廳嘅質素，特別係今餐食到嘅炸雞，我同朋友一致認同個炸雞真係幾好味。*此餐廳收取加一服務費。龍蝦蝦肉包配薯條（單點$168），表面鋪滿龍蝦醬、蟹籽、沙律醬，龍蝦肉質爽口，味道鮮甜，略嫌份量比較少，龍蝦醬口感濃稠，味道類似法式龍蝦湯嘅濃縮版，牛油軟包口感外脆內軟，食落充滿牛油味道、帶點香甜。韓式部隊鍋跟生麵（單點$108），好足料，包括有牛肉、午餐肉、香腸、芝士、豆腐、泡菜、年糕、京蔥、椰菜、白玉菇、芽菜，湯底味道酸辣，生麵口感幼滑，容易掛湯。蜜糖蒜片炸雞（單點$98），炸雞口感外酥脆內肉嫩，食落好Juicy，蜜糖味道香甜，配以蒜片食用，食落好香口。薄脆（跟餐$0），口感香脆，配以千島醬食用，味道更佳。朱古力布朗尼配雪糕（單點$68），布朗尼表面鋪滿朱古力醬，蛋糕口感紮實，食落朱古力味道濃郁，內有果仁，配以香草雪糕食用，冰火交融，配料包括有桑莓、藍莓、芒果醬、草莓醬。