金子半之助 (奧海城二期)

營業中

休息中

之前食過金子半之助嘅其他分店， 覺得好好味，成日都心思思想再去，但覺得有啲遠，而家知道九龍開咗分店就即刻去支持下。晚飯時閒都幾多人，仲要排隊等位，好彩都唔算等得太耐。金子半之助係日本爆紅既餐廳，等一陣都無所謂啦😂。我地坐Bar 枱，仲可以欣賞到師傅去砌碗丼飯，好似整緊藝術品咁。我叫左車海老軟殼蟹天丼，朋友就食迷你天丼+稻庭烏冬。車海老軟殼蟹天丼聽個名就知係海蝦同軟殼蟹做主打，仲有小柱鮑魚、海苔同豌豆同溫泉蛋，認真豐富。呢度啲天婦羅皮薄饀靚，薄薄既香酥粉皮包住各款材料，啖啖肉。食到咁上下，篤穿個溫泉蛋撈埋食仲正，蛋汁撈飯👍。迷你天丼+稻庭烏冬，有飯有烏冬，烏冬彈牙，個烏冬汁調得好味。迷利天丼細細碗，無軟殼蟹，但有蝦有南瓜同菇菌。好滿足。