堅信號上海生煎皇 (福榮街)

營業中

休息中

今日去到深水埗掃街，但係又想坐低搵間餐廳靜靜地食嘢，行吓行吓俾我見到有生煎包食！諗都唔諗就直行入去啦，當時正值下午茶時間人唔係好多，但係我十分之肚餓啊所以見到乜嘢都好想試吓！個舖頭名叫生煎包，咁梗係要叫個生煎包嚟食啦！另外呢度啲上海嘢都好正㗎，見佢有一個新出嘅小籠包，係用雞髀肉加紫色嘅椰菜去做餡個喎！真係好啱晒我哋呢啲呢想健康嘅女孩子啊，於是又叫多咗一籠新出嘅呢個叫勁抽小籠包，咁除咗小食都梗係要叫下啲主食啦，呢度嘅糖醋黃魚同埋擔擔面都好正呀，好啱夏天食！嘢飲當然都係要嗌凍飲呀，天氣咁熱，我同朋友分別嗌咗一個洛神花茶同埋柚子蜜梳打生煎包絕對係會爆汁㗎，你要食得好小心，如果唔係對面嗰個人都會憎死你呀！ 個小籠包味道就比較淡，不過勝在夠健康，你會見到入邊d湯汁當下當下係紫色㗎！真係好靚呀咁佢啲著食就真係唔需要多講啦，全部都係又平又高質嘅，尤其是個擔擔麵湯底十分濃郁啊，食到我呢忍唔住想食多碗，但已經好飽啦