麥記美食 (景文樓)

營業中

休息中

呢間小店d套餐都幾抵食，唔算太貴，我地叫咗2個，份量都幾多，都幾抵食。酸辣湯入面都幾足料，有木耳絲，豆腐，蛋絲等，飲落味道唔會太酸，酸酸辣辣，好開胃。生煎包煎得好脆口，唔會太燶，個包唔算厚皮，一咬落去仲會爆汁。生煎鍋貼個底煎得好香口，好脆，熱辣辣，個外皮好煙韌，而入面d肉涵好juicy。小籠包即叫即蒸，上枱熱辣辣，小籠包個皮好薄，入面勁多湯汁，個湯汁好鮮甜，而d肉涵好嫩滑。雲吞擔擔麵雲吞細細粒，一啖一粒，入面d肉涵都幾好味，擔擔麵有好香濃嘅花生味，麵質煙韌吸晒擔擔麵湯嘅味，唔錯豆漿豆味好濃，唔算太甜。