影片
更多
2023-01-14
68 瀏覽
今日同屋企人去銅鑼灣行街，順便去岀名多野食既登龍街揾食。見到呢間餐廳門前餐牌係主打燒味，屋企人好中意食，加上價錢合理，決定試下。店內環境乾淨舒適，座位闊落。燒味選擇有雞，鵝，燻蹄等…自選燒味三拼（例牌) ($108 + $30)一坐低屋企人就話要叫個三拼食😂 我地揀左半肥瘦叉燒 & 燒腩仔 & 加左$30 要燒鵝叉燒有得自己選擇要瘦定肥，我地叫左半肥瘦食，賣相真係勁吸引！係燶邊啊😍 仲要每舊都有燶邊同色澤好靚，有適量既蜜汁包住。食落燶邊香脆得黎焦香味好正，蜜汁甜而不膩，半肥瘦叉燒肉質嫩滑有肉汁，調味入味又有肉香。整體外邊脆內裡軟腍鬆化，口感同香味都勁豐富燒鵝同燒腩仔都好食，燒鵝個皮充滿油香，鵝肉夠入味又唔乾柴，配以酸酸甜甜既酸梅醬食真係又解膩又好味！燒腩仔調味適中，啖啖肉，肉質都係好嫩好鬆化，配埋黃芥末醬食好惹味，仲要外皮脆到坐對面都聽到自選燒味單拼飯/粉 （$58 +$5咸蛋半隻）由於食完半肥瘦覺得太驚喜，所以叫多個叉燒瀨粉食，今次揀左肥叉試。呢個價錢估唔到肥叉既份量都勁多！食落都係有好正既燶邊同蜜汁，肥叉油脂更豐富，真係入口即化，一啖有齊焦香蜜香油香肉香，真係好正😍 瀨粉都好食，口
店內環境乾淨舒適，座位闊落。
燒味選擇有雞，鵝，燻蹄等…
自選燒味三拼（例牌) ($108 + $30)
一坐低屋企人就話要叫個三拼食😂 我地揀左半肥瘦叉燒 & 燒腩仔 & 加左$30 要燒鵝
叉燒有得自己選擇要瘦定肥，我地叫左半肥瘦食，賣相真係勁吸引！係燶邊啊😍 仲要每舊都有燶邊同色澤好靚，有適量既蜜汁包住。
食落燶邊香脆得黎焦香味好正，蜜汁甜而不膩，半肥瘦叉燒肉質嫩滑有肉汁，調味入味又有肉香。整體外邊脆內裡軟腍鬆化，口感同香味都勁豐富
燒鵝同燒腩仔都好食，燒鵝個皮充滿油香，鵝肉夠入味又唔乾柴，配以酸酸甜甜既酸梅醬食真係又解膩又好味！燒腩仔調味適中，啖啖肉，肉質都係好嫩好鬆化，配埋黃芥末醬食好惹味，仲要外皮脆到坐對面都聽到
自選燒味單拼飯/粉 （$58 +$5咸蛋半隻）
由於食完半肥瘦覺得太驚喜，所以叫多個叉燒瀨粉食，今次揀左肥叉試。
呢個價錢估唔到肥叉既份量都勁多！食落都係有好正既燶邊同蜜汁，肥叉油脂更豐富，真係入口即化，一啖有齊焦香蜜香油香肉香，真係好正😍 瀨粉都好食，口感爽滑，湯底香而唔油。
飲品揀左好少見既鹹檸蜜（$11）好足料，解膩又好飲。
總結：燒味好食，燶邊叉燒一食實在太驚豔！屋企人一致同意下次要再黎食，或者經過要買叉燒番去加餸
張貼
