大壹燒鵝 (登輝大廈)

營業中

休息中

平時好少會食燒味或者燒鵝，以我所知燒鵝係特別貴嘅，今次朋友約我出嚟食飯，幾大都食呢度最出名嘅菜啦燒味三拼有燒鵝，叉燒同燒腩仔，全部都係燒味！平時真係完全唔會食燒味而家一食就食到成枱都係，勁開心！燻蹄拼盤，好大陣玫瑰露酒味，凍食勁正有豉油雞同分題，燻蹄外層嘅皮好似塊啫喱咁樣幾特別。油雞嘅皮好滑，中間有少少脂肪變咗做一層啫喱咁樣，整體都係彌漫住好香嘅玫瑰露酒味，微微有少少苦。燒鵝嘅肉比較un d,有啲似火雞嘅肉質，但最令我surprise嘅係有少少肉嘅蘇香味，係鵝肉獨有嘅香呀！就好似我好鍾意食羊肉都係因為有浸羊肉味一樣。橫切面好靚，肉質好緊致簽晒，燒得好靚。呢個套餐有老火湯，油菜，一碗白飯加雙拼自選兩款燒味。老火湯有西洋菜煲雞腳，仲有蘿蔔添！好耐冇返屋企食飯，都冇飲過呢啲老火湯，真係中式餐廳先會有呢啲咁啱華人胃口嘅食物。