天龍燒鵝 (昌業大廈)

營業中

休息中

話說一陣間會去睇一啲好刺激嘅表演、就諗住同朋友去附近食嘢！灣仔銅鑼灣都有分店，不過今次銅鑼灣會近啲！我哋就去咗新店，銅鑼灣天龍燒味度食出名嘅燒鵝！餐廳位置都闊落、上菜嘅速度都比較快！今次我哋就嗌咗個燒味四拼、入面有燒肉，叉燒、貴妃雞同埋最重點嘅燒鵝！提提你呢度仲有原隻燒鵝髀雖然好邪惡，但係鍾意食燒鵝嘅你一定鍾意食！四拼裏面嚟講、我最鍾意食都一定係燒鵝、第一燒鵝真係肉質好嫩滑鵝油嘅皮唔會太重、再加上食落去唔油膩！如果再點埋甜酸醬都更加好食！叉燒嘅感覺就係唔會好厚身，食落去都有叉燒汁甜味！燒肉個皮敲到好脆好開胃好好食好香口！最後就係貴妃雞，因為呢一個一定要食！佢點埋蔥油更加香，更加有層次！仲有都係加$12就有個白飯或者加$18就可以有個瀨粉！跟餐嘅話加$8已經可以有熱飲！價錢相宜，份量十足！銅鑼灣天龍燒味銅鑼灣昌業大廈地下地舖