影片
更多
2023-08-05
29 瀏覽
呢度除咗有好多款式嘅燒鳥串燒，仲有手卷、壽司、刺身，仲有唔少出色嘅熟食！佢嘅串燒最推薦嘅係汁燒，廚師燒烤技術出色，火候掌握得好好，燒到出嚟唔會唔會太乾身🔥，再加上特製嘅燒汁，保持食材嘅水份💦，又可以令食材更加入味！佢仲有好多菜式都幾特別，市面上係相對少見，而且份量都幾足，絕對對得住呢個價錢！餐廳裝修好有心思，環境光猛，大部份都係卡位，而且每個卡位都有一塊布簾，私隱度好夠！除咗有四人或六人卡位，仲有料理台附近嘅吧枱，望住廚師傾偈、料理食物都得！店員都好有耐心，每上一道菜都會細心講解用料同製作方法，令每位客人知道自己食緊啲咩，幾有互動性，成個用餐體驗都幾好！😌------------------------------一入座，餐廳就會準備好茶同小食，客人可以邊食小食邊落單，呢個好貼心！佢啲彩色全部都好出色，係慢工出細貨嘅品質，下面有啲價錢可以參考返～🐚◖鹽釜原隻鮑魚◗ $168有一層厚厚嘅鹽包住去焗，再用昆布蓋住鮑魚，既可以有昆布嘅鮮味，又避免鮑魚太鹹，鮑魚本身經過炆煮，已經非常入味，口感彈牙軟糯～🐟◖立鱗炸甘鯛◗ $98外皮粉漿包咗啲海苔碎，可以食到啲海苔香味，帶出鯛味嘅鮮味，魚肉都幾大
餐廳裝修好有心思，環境光猛，大部份都係卡位，而且每個卡位都有一塊布簾，私隱度好夠！除咗有四人或六人卡位，仲有料理台附近嘅吧枱，望住廚師傾偈、料理食物都得！
店員都好有耐心，每上一道菜都會細心講解用料同製作方法，令每位客人知道自己食緊啲咩，幾有互動性，成個用餐體驗都幾好！😌
------------------------------
一入座，餐廳就會準備好茶同小食，客人可以邊食小食邊落單，呢個好貼心！佢啲彩色全部都好出色，係慢工出細貨嘅品質，下面有啲價錢可以參考返～
🐚◖鹽釜原隻鮑魚◗ $168
有一層厚厚嘅鹽包住去焗，再用昆布蓋住鮑魚，既可以有昆布嘅鮮味，又避免鮑魚太鹹，鮑魚本身經過炆煮，已經非常入味，口感彈牙軟糯～
🐟◖立鱗炸甘鯛◗ $98
外皮粉漿包咗啲海苔碎，可以食到啲海苔香味，帶出鯛味嘅鮮味，魚肉都幾大塊，肉質好嫩滑，整身都炸得幾香口～
🐟◖汁燒脆燒油甘魚鮫◗ $138
呢個真係必點，油甘魚鮫超大塊超厚肉，魚鮫位魚油超香，燒得啱啱好，外皮燒得好脆，肉質嫩滑，加埋個燒汁，真係不得了，超級推薦！
🍣◖拖羅Monaka ◗ $58
上面係滿滿嘅拖羅蓉，入口即溶，表面有好多沙律醬，外皮係類似新地筒質感～
🍗◖秘製酥脆唐揚雞◗ $78
用咗柚子去醃製，食落少少酸，配上自家製嘅Tartar醬，用沙律醬、酸黃瓜、洋蔥混合而成，用嚟減少雞肉嘅油膩感一流，略嫌炸皮偏厚～
🐟◖古法鹽燒原條香魚◗ $128
原條香魚燒完放上鹽堆上面，賣相吸引，適合打卡，份量會比較少，味道都偏淡～
🍳◖櫻花蝦半熟蛋爆彈◗ $48
裏面係糖心蛋包咗一層蝦膠，再沾上櫻花蝦拎去炸，外皮好香，有櫻花蝦嘅鮮味，蝦膠略薄，咬落口感唔太出，略嫌半熟蛋食唔出蛋香味～
🐂◖牛舌大根煮◗ $68
呢碗牛舌份量超多，蘿蔔全部煮到溶晒，湯汁好濃稠有口感；牛舌唔會煮到好爛，切得大大塊都有成8-10塊，好滿足～
🐓◖雞肉串燒Set $88
/月見免治雞肉棒：有啲雞軟骨夾雜着，點埋個雞蛋醬油，甜甜地咁幾好食，份量會略大過其他餐廳～
/雞肉串：比較普通，口感相對硬一啲～
/雞腎串：口感爽脆，略嫌唔太入味。
🥬◖菜串◗ $60
/翠玉瓜：佢搽咗燒汁先拎去燒，爽脆本身都好Juicy，味道唔錯！
/菠蘿：燒完好甜，果肉好淋～
/秋葵：切咗細細舊，再塗上燒汁味道都唔錯～
🐓◖雞心◗ $38
雞心口感幾彈牙，唔係汁燒嘅，會乾咗少少～
🐓◖雞肝◗ $38
雞肝幾大串，塗上燒汁去燒，保持到濕潤，又增加味道，雞肝幾粉幾好食！
🌟 Encore指數：9.3/10
張貼
