元朗燒賣皇后妙舒

營業中

休息中

呢度嘅燒賣久仰大名，今次終於比我試到啦！先講冬菇豬肉燒賣，冬菇的確非常香，離遠都聞到冬菇嘅香味，加入咗冬菇粒嘅燒賣口感非常豐富，其實唔使加豉油都夠香味同鹹味。燒賣皮唔會蒸到乾晒，不過豬肉嘅肉質有啲鬆散，唔算好彈牙。整體味道不錯。不得不提嘅喺呢度嘅辣椒油，我哋叫咗小辣，但依然辣到舌頭發麻，唔食得辣嘅朋友千祈唔好亂試，因為真係好辣好辣🔥🔥🔥🔥。白魚蛋口感尚算彈牙，魚味濃，而且調味夠重。另外我哋叫咗一碗生菜魚肉，大地魚湯嘅湯底好鹹，不太推薦。不過佢啲魚肉都幾新鮮，而且冇腥味冇碎骨，當中仲加咗少少陳皮粒，至於生菜都睇得出佢係有篩選過同埋幾新鮮，製作用心。