YAKINIKU KAKURA (黃埔天地聚寶坊)

營業中

休息中

日式燒肉食唔少，而呢間都唔例外，有幾間分店，主打多款稀有部位嘅肉類，另外有前菜、小食、主食等款式供應。店內環境乾淨，服務態度友善，而且完全冇油煙味，值得到訪。前菜有沙律同泡菜三點盛，沙律新鮮，放上少少酸甜調味醬令人胃口大開。泡菜唔辣，老少咸宜。石頭泡菜鍋飯熱辣辣，咋咋聲，放多陣有啲煲仔飯feel，配住碗海藻湯已經飽咗半。燒肉分別有鹽味同燒肉汁味搭配。要咗特上牛胸腹肉、黑毛和牛裏腹小排、板腱牛排、黑毛和牛腹柳小排、牛舌、雞肉同海老。私心推介牛舌，估唔到入口滑嘟嘟，超嫩滑，好有驚喜。其他款式都唔錯，肉質軟嫩，容易咬開，而且醃製得夠入味，只要沾少少醬汁就可以。最後以甜品作結，有布甸同埋泡芙，凍冰冰透心涼。