影片
更多
2022-09-16
909 瀏覽
上次同老公來食過韓式燒肉，今日晏咗放工涼涼地、又想食燒肉，第一時間就諗起呢一度喇☺️店面好大，環境寬敞🌟 感覺開揚又乾淨❗️座位大部分都係卡位，所以坐得好舒服😌抽風系統亦唔錯，食完成餐飯都唔覺好重油煙味😃店入面嘅枱燈有一半白燈💡一半黃燈💡一時唔為意，我今日係坐咗黃燈枱，所以今日影嘅相都係黃燈色調🤭睇Menu嘅時候，見到呢度原來一般韓式嘢食都有得食，仲有炸雞🍗食添🤩經過一番掙扎之後，最後我哋都嗌咗半份甜辣炸雞🙈🍴🍴🍴點菜後店員就立刻端上 ➡️一籃食燒肉用嘅生菜🥬➕一盤蔬菜沙律🥗➕3個韓式前菜➕一碟泡菜❗️韓式料理就係咁喇，未食嘢已經成枱食物🤭所有前菜都可以無限添加～無限添加item 仲包括➡️芝士粟米➕爐邊泡菜蛋😈有無限芝士🧀粟米+蛋🥚食，係零舍開心嘅🤭🍴🍴🍴一次過點晒啲菜，一次過就嚟晒🙈所以我哋決定食咗炸雞先，炸雞凍咗唔好食😌甜辣炸雞半份（有骨）$118炸雞真係超新鮮❗️炸起即上🤤第一啖咬落去係熱到咬唔落😂口感外脆內軟🌟癡喺雞肉表面嘅甜辣醬夠rich 夠濃味💕炸雞表面仲有啲蒜片添😲辣味唔重，我自己就唔多覺有辣味嘅～所以唔太食得辣嘅老公都食得好滋味☺️仲配咗啲薯條喺炸雞下面，可以吸埋淨返嘅甜辣醬食😆🍴
今日晏咗放工涼涼地、又想食燒肉，
第一時間就諗起呢一度喇☺️
店面好大，環境寬敞🌟
感覺開揚又乾淨❗️
座位大部分都係卡位，
所以坐得好舒服😌
抽風系統亦唔錯，
食完成餐飯都唔覺好重油煙味😃
店入面嘅枱燈有一半白燈💡一半黃燈💡
一時唔為意，我今日係坐咗黃燈枱，
所以今日影嘅相都係黃燈色調🤭
睇Menu嘅時候，
見到呢度原來一般韓式嘢食都有得食，
仲有炸雞🍗食添🤩
經過一番掙扎之後，
最後我哋都嗌咗半份甜辣炸雞🙈
🍴🍴🍴
點菜後店員就立刻端上 ➡️
一籃食燒肉用嘅生菜🥬➕
一盤蔬菜沙律🥗➕
3個韓式前菜➕一碟泡菜❗️
韓式料理就係咁喇，
未食嘢已經成枱食物🤭
所有前菜都可以無限添加～
無限添加item 仲包括➡️
芝士粟米➕爐邊泡菜蛋😈
有無限芝士🧀粟米+蛋🥚食，係零舍開心嘅🤭
🍴🍴🍴
一次過點晒啲菜，一次過就嚟晒🙈
所以我哋決定食咗炸雞先，
炸雞凍咗唔好食😌
甜辣炸雞半份（有骨）$118
炸雞真係超新鮮❗️炸起即上🤤
第一啖咬落去係熱到咬唔落😂
口感外脆內軟🌟
癡喺雞肉表面嘅甜辣醬夠rich 夠濃味💕
炸雞表面仲有啲蒜片添😲
辣味唔重，我自己就唔多覺有辣味嘅～
所以唔太食得辣嘅老公都食得好滋味☺️
仲配咗啲薯條喺炸雞下面，
可以吸埋淨返嘅甜辣醬食😆
🍴🍴🍴
食炸雞燒肉飲番杯有氣飲品是常識吧🤭
我哋今日嗌杯➡️
菠蘿梳打➕柚子檸檬梳打🍹
燒肉時間⏰
今日我哋雞🐓牛🐂豬🐖都食晒🤭
🥢🥢🥢
率先上枱嘅係➡️
特級牛肋骨 $288
擺盤幾得意，原條肋骨上真係第一次見😲
仲送咗隻開埋邊嘅蝦，擺盤好似隻蝦想逃走咁🤭
我哋剪開一件件先放上爐燒～
牛肋骨本身已經用照燒汁醃咗，
所以燒完之後唔使蘸任何醬料都已經好有味😋
咬落juicy之餘仲有牛肉香味💕
大大一片全部都係肉，唔使驚有骨🤭
口感好實在😌食得滿足😆
係我今晚最鍾意嘅一款燒肉🥰
大家嚟到諗住主打食燒肉的話，一定要試吓❤️
🥢🥢🥢
原味牛舌 $138
厚薄適中好容易燒丫👍🏻
燒咗一陣就熟晒有得食😋
食起上嚟口感有啲橡筋feel嘅韌性，
但都係非常容易咬嘅🌟
呢款肉就比較適合蘸燒肉鹽，
令味道更有層次🤓
厚切五花腩 $138
唔知係咪我哋燒得唔好🥹
齋食有啲乾，可能掛住食冇睇火，燒得太耐😖
好彩夾埋啲韓式大醬同生菜一齊食，
所以食落口感豐富，已經冇咗個乾感喇！
即刻攞返個韓國食完燒肉feel先😙
梨汁雞腿肉 $88
雞腿肉我嚟講係雞最好味嘅部份🤤
肉質鮮嫩唔鞋，入口好Juicy😍
蘸埋燒肉汁仲正❗️
🥢🥢🥢
大八爪魚 $108
好彩之前有食過，所以冇比佢個size嚇親🤭
而且燒起上嚟都有啲技巧🙈
唔識燒的話亦可以搵職員幫手😃
我哋燒完就將佢剪到細細粒食，
方便入口✌🏻
D八爪魚肉超爽口🤩
有新鮮肉質嘅彈牙感☺️
🥢🥢🥢
次次兩個人嚟親呢度食嘢都食到肚滿腸肥🙈
下次帶埋幾個朋友4個人一齊嚟食應該啱啱好喇😆
張貼
