影片
更多
2024-08-09
267 瀏覽
一向都幾鐘意食串燒，唔一定好高級，但要搵間價錢又抵而且食物有質素係香港有少少難，但今次我朋友介紹「燒烤堂」，話款式特別，物有所值，就約我去銅鑼灣分店喇經過今晚後，真心推薦俾大家，款款都好味（保證😉）✨先介紹我比較鍾意既👍🏻🔺鹽燒白鱔 / 唔洗落好多調味，少少鹽，鱔厚肉，皮唔韌，整體好彈牙又無泥味/腥味🔺福岡味噌松板豬以為係豬頸肉，但食落無咁多肥油，豬肉味再香啲，食到日式味噌既味道🔺鹽燒豚肉荔枝卷🔺孜然豚肉芫茜卷🔺鹽燒無花果卷 / 3款豬肉片包住材料，款款都各有特色，最愛無花果卷，包住鮮無花果外，點晴位係放埋紫蘇葉，好香〇；包住荔枝好得意，原來配豬係咁Match ; 最後既芫茜卷燒到好似韮菜，收乾左水份，仲濃茜味，好正🤣🔺七味燒墨魚紫蘇卷又係紫蘇葉💜連墨魚肉燒吊出鮮味✨三款蔬果加埋超香，仲無左豬肉肥膏油膩感🔺汁燒免治雞肉軟骨棒（付月見）平時居酒屋成日叫，雞軟骨同雞肉都攪成免治肉，燒香後，配醬油連生雞蛋黃同食，好滑口有蛋香但軟骨又好脆，juicy，正～🔺明太子雞腿肉雞髀肉無雪味，燒得岩岩好～如果再多啲明太子醬就好喇，但都好鹹鮮🤤🔺雞皮墨魚滑 墨魚滑好爽，靠燒得薄脆無脂肪既雞皮包住，估唔到咁
經過今晚後，真心推薦俾大家，款款都好味（保證😉）
✨先介紹我比較鍾意既👍🏻
🔺鹽燒白鱔 / 唔洗落好多調味，少少鹽，鱔厚肉，皮唔韌，整體好彈牙又無泥味/腥味
🔺福岡味噌松板豬
以為係豬頸肉，但食落無咁多肥油，豬肉味再香啲，食到日式味噌既味道
🔺鹽燒豚肉荔枝卷
🔺孜然豚肉芫茜卷
🔺鹽燒無花果卷 /
3款豬肉片包住材料，款款都各有特色，最愛無花果卷，包住鮮無花果外，點晴位係放埋紫蘇葉，好香〇；包住荔枝好得意，原來配豬係咁Match ; 最後既芫茜卷燒到好似韮菜，收乾左水份，仲濃茜味，好正🤣
🔺七味燒墨魚紫蘇卷
又係紫蘇葉💜連墨魚肉燒吊出鮮味
✨三款蔬果加埋超香，仲無左豬肉肥膏油膩感
🔺汁燒免治雞肉軟骨棒（付月見）平時居酒屋成日叫，雞軟骨同雞肉都攪成免治肉，燒香後，配醬油連生雞蛋黃同食，好滑口有蛋香但軟骨又好脆，juicy，正～
🔺明太子雞腿肉
雞髀肉無雪味，燒得岩岩好～如果再多啲明太子醬就好喇，但都好鹹鮮🤤
🔺雞皮墨魚滑
墨魚滑好爽，靠燒得薄脆無脂肪既雞皮包住，估唔到咁夾
🔺麻辣黃花魚春
平時去大澳就食得多，佢唔太辣，外脆有焦香，重點唔腥，係市區食到好難得🥹
「第2 Round」
🔺蒜蓉菜圃燒豆皮
豆皮搽左住少許蒜蓉菜圃去燒，腐皮一定鍾意食～
🔺明太子燒飯團
都係明太子醬多少少就好喇，外層搽左豉油變左脆飯焦咁
🔺川燒蒜蓉茄子
川燒好惹味，加左菜莆粒，如果再辣啲就好
🔺蒜蓉燒廣島蠔（兩隻）
蠔好新鮮，入口濃濃既蠔味，蠔🦪汁都飲埋😜
🔺糖不甩燒湯圓
🔺柑桔咸蛋黄卷
由於我自己唔好甜食，所以覺得有少少偏甜，但柑桔咸蛋黄卷係幾特別既，我朋友食到津津有味👍🏻
張貼
