弁慶 御好燒 鐵板燒

營業中

休息中

無得去旅行又想食下日本大阪燒，就比我搵到中環既弁慶 御好燒 鐵板燒。睇相見到大阪燒外觀幾吸引，所以就引左我黎依間餐廳~環境吾算太大，鐵板燒不可或缺既鐵板位就可以欣賞師傅既手勢！日本玉子卷：即叫即整既玉子燒，蛋香味特出！雖然依款玉子無其他材料，但當中亦帶少少咸味調味。口感滑口，燒得岩岩好，當中仲有蛋汁添。豪華大阪御好燒：海鮮款既大蝦、帶子、八爪魚粒，全部配料都系我既最愛。大蝦口感幾彈牙又實肉。帶子有微微煎煎，半熟口感同樣地爽口。八爪魚粒出奇地吾硬口，反而煙煙韌韌令口感大增。至於大板燒，麵粉、蛋醬既比例做得剛好，食落吾會太粉。另外，入面充滿大量椰菜，再令整體口感再度昇華！燒汁同沙律醬份量岩岩好，吾會太咸啊。加入埋大量既蔥同雞醬，特別香口又夠滑。