韓屋

營業中

休息中

約朋友係尖沙咀睇戲, 早少少出嚟搵嘢食 ,既然係睇韓國電影， 增加返少少儀式感， 去韓國街食韓國菜。 經過呢間韓國餐廳， 雖然已經過咗午飯時間 ，見到仍然有好多人幫襯。 餐廳主打 熱湯類 和餃子。泡菜湯 Kimchi Jiage其實都有少少心動想叫人蔘雞湯， 因為見到附近幾張枱， 雞湯好似幾好味。 不過最近都好似濕氣好重，食啲辣驅濕。 泡菜湯有豬肉 ，大量泡菜， 滑捋捋的豆腐， 唔算好辣鹹鹹地。 另外加配素麵， 浸湯之後真係好好食， 清爽彈牙又吸收咗泡菜湯嘅精華。店員重點推介 自家製 餃子 ，選擇2款試試，煎醬牛小排餃子，韓式煎餃子。 牛小排餃子較特別， 知道外皮好香脆， 牛肉餡好多汁， 可以唔使點 醬汁已經好好食。 韓式煎餃子相對嚟講就係正常發揮。Green Apple Soda好耐冇見過呢款梳打，上年喺韓國旅行成日飲， 青蘋果味酸酸甜甜好開胃， 整體感覺唔會太甜， 好夠氣好爽。