韓屋

尖沙咀金巴利道出名多韓國餐廳，幾乎每一間都有競爭，連近期大熱嘅豬手小姐都係金巴利道開咗分店添，小妹仲記得大半年前定係幾個月之前呢🤔曾經有YouTube介紹過一間韓國餐廳，可以食得清淡又健康！呢一間就係叫做Hanook 韓屋啦😍餐廳門面參考真正韓屋般以古典嘅木質設計，店內則走時尚風格，霓虹燈牌及飛天豬造型燈牌，仲播上熱門嘅K-pop music ，非常有特色🤭小妹同朋友共點了一份蒸餃子🥟、一鍋豬肉湯、一鍋石鍋飯及一枝米酒，收工後要小酎一番🍻🥟醬牛小排餃子 갈비만두呢款牛肉餃子做到皮薄餡滿，賣相同emoji嘅餃子係一樣樣㗎🤓，食落嘅味道似餃子皮包牛肉漢堡扒咁，好少食到牛肉餃子呢一款又幾過癮嘅。🐷血腸湯 순대국밥小妹同朋友兩個都冇食過血腸湯，趁住今日呢一間食得清淡又養生嘅韓國餐廳，嗌咗鍋試吓。比我哋想像中好食喎，原本以為會好腥點知一啲都唔腥㗎，「血腸是豬大腸裡灌入各種蔬菜和調料後，放進烝籠裡蒸煮而成的」。每鍋湯就有一款配菜供應，跟呢鍋血腸湯的配菜就係自家製醃蘿蔔。🧀原味石鍋芝士拌飯 치즈돌솥비빔밥是晚MVP非此莫屬😍😍，店員會幫手將辣醬同飯撈埋在一起，仲話因為太多芝士所以要拌均佢先好食😋！睇見啲芝士同啲材料撈埋一齊，多重拉絲效果，真係睇到流晒口水😳！當所有材料痴埋一齊再一啖放入口，加上飯底係紅米飯，令小妹食落都比較健康🤭美味程度係兩個人分享一鍋已經爭住食😆下次嚟要自己一個獨食先得🤭🤭🍻青提子米酒 포도쌀와인小妹朋友介紹話好少餐廳會有米酒飲，於是我們點了一支青提子味米酒，小酎一番🫰🏻呢個米酒好好飲喎，佢冇清酒咁刺激，飲落口好順滑，仲以為飲唔晒點知最後一滴都冇😂😂而家諗返起，佢哋個石鍋芝士拌飯真係非常好食❣️…查看更多

🐱之前係韓國食過薯仔排骨湯，一直心心念😍比我搵到韓屋有得食😍見到好多好評，標榜健康冇味精，即刻去試😆個前菜係蘿蔔，已經好好食😋唔會勁重口味，出面食果啲韓國泡菜係超鹹，但呢個唔會☺️薯仔排骨湯：$168韓國紅米飯+$20🌕🌕🌕🌕/5 超足料，係有3-4舊大豬骨🐷仲要係好多肉既😙仲有好多韓國菜乾同好淋既薯仔🥔個湯既味同韓國食既係差唔多🤓辣辣地好香豬骨味🐷熱湯配飯是必須的❤️‍🔥紅米飯夠健康雪濃湯：$148🌕🌕🌕🌕/5 有大量牛腩+牛肉🐮呢款既味道比較淡，清甜既牛肉味😆可以飲哂成配😍備注：有加一💰…查看更多

尖沙咀嘅韓屋一向都係韓食控嘅安全選擇～氣氛簡潔舒服，最啱兩三個人慢慢食 🍶今次試咗幾款：🍖 牛排骨湯 Galbitang — 湯底清甜濃郁，牛骨味滲得啱啱好，肉質軟腍入味，一啖落肚成個人都暖晒 🥣🔥 醬炒牛肉石鍋芝士拌飯 Hot Bulgogi Cheese Bibimbap — 熱辣辣石鍋香氣四溢，牛肉甜中帶鹹，芝士融晒撈埋飯超邪惡～🥟 餃子王 Wangmandu — 外皮煎得香脆，入面肉餡多汁，食落唔油膩，配埋泡菜一流！整體味道穩定，價錢合理，服務亦幾貼心。無論想食個韓風comfort dinner，定同朋友chill下都啱 😌…查看更多

✨巨型餃子大過我拳頭啊！入面塞滿雞蛋同菜，一啖咬落去啲餡多到漏出嚟，仲要配埋咸咸地嘅韓式醬汁食🔥石鍋炒豬肉芝士拌飯一上枱「滋滋聲」聽到都流口水！豬肉炒到香噴噴，加咗拉絲芝士，撈埋一齊食～ 底層飯焦脆卜卜，我刮到一粒米都唔放過！🥬配料多到滿瀉紫菜絲、紅蘿蔔絲、芽菜、菠菜、魚糕絲... 成座山咁高！撈勻之後每啖飯都有齊爽脆同軟糯口感🤤炒豬肉拌飯基本上一模一樣，除咗唔係鐵鍋&無芝士之外～建議大家食石鍋拌飯！熱辣辣開心啲🤣另外嘢飲叫咗韓國梨汁同提子汁～#韓國菜 #韓屋#芝士#飯焦 …查看更多

天氣涼涼地想食啲暖胃野，揀咗去「韓屋」食人蔘雞湯，小店不是很大，坐位不多，不過都坐得舒服，佢仲係G-Dragon應援餐廳，門口同店內貼滿GD海報🫶🫶。小店仲有石鍋拌飯、有薯仔排骨湯、牛骨湯、人蔘雞湯等等，幾多選擇梗有一款啱你心水。想讚前菜辣蘿蔔，味道都唔錯，＇又脆又甜又有少少辣。人蔘雞湯＄168人蔘雞湯湯味清甜，飲起來有淡淡人蔘味道，雞肉煮到好嫩滑易脫骨，雞入面的糯米吸收了湯汁精華又綿又好食，加埋紅棗同栗子，感覺好滋補，飲完雞湯暖笠笠。薯仔排骨湯 $168湯底濃郁又惹咪，排骨燉到非常之腍，用筷子🥢輕輕將肉拆開，薯仔煮到淋身又入味，湯內仲有紅蘿蔔絲同洋蔥。韭菜餃子王/泡菜餃子王 each $18熱辣辣連蒸籠上枱，餃子王真係幾大隻又皮薄，餡料滿滿，韭菜餃清新，泡菜餃就香口又少少微辣。…查看更多

呢排天氣涼左🍂出去食飯都想食啲熱食，諗起尖沙咀有一間韓國湯飯好好食😋呢間韓國餐廳同普通韓國餐廳唔同，雖然冇炸雞冇炒年糕，但佢哋主打湯飯同石頭鍋飯，真係好值得試下😋😋⋆🐓 蔘雞湯 $168必點蔘雞湯👍🏻原隻小雞腹中加入咗人蔘，糯米，大棗，板栗等等長時間熬製而成，雞肉一撕就甩，非常嫩滑，雞湯鮮甜好飲😋⋆🐮牛膝骨湯 $148用牛膝骨長時間熬製而成，湯底呈乳白色，牛味好香濃，牛膝骨好滑溜，每啖都係滿滿骨膠原同鈣質😋👍🏻 建議可以配飯一齊食🍚⋆🥟餃子王 $18我哋叫咗普通餃子王同泡菜餃子王，餃子用蒸籠仔上，即叫即蒸，大大隻好好食❤️韓國嘅餃子除咗肉餡之外，仲會加入豆芽，蘑菇，豆腐同粉絲等等，口感豐富，食落好鬆軟👍🏻…查看更多

Halloween 狂歡後, 第二日就同朋友去咗尖沙咀金巴利道嘅「韓屋」食個晏就，呢區一向多韓國菜選擇，但韓屋嘅水準的確有驚喜！餐廳位置方便，環境光猛整潔，座位都算寬敞。**薯仔排骨湯 ($168) + 蕎麥麵 ($25)**一上枱已經聞到好香嘅豬骨味，飲落濃郁得嚟唔會過鹹。排骨煮到好軟腍，用筷子輕輕一夾就已經骨肉分離，而且份量都幾多。薯仔吸收晒湯汁精華，入口粉糯。加$25配咗蕎麥麵，麵質彈牙，索晒啲湯汁真係一流！建議兩個人分享，夠晒飽肚。**醬炒牛肉石鍋芝士拌飯 ($138)**真心推薦！熱辣辣嘅石鍋上枱，飯底係紅米飯，有滿滿蔬菜。店員提醒要趁熱拌勻。一撈起就見到超邪惡嘅芝士拉絲效果，視覺效果滿分！牛肉用韓式辣醬炒得香濃，加上泡菜、紫菜、蔬菜等配料，口感豐富。最正係飯焦嘅部分，金香脆口，同軟綿嘅芝士形成強烈對比，食到最後一啖都係咁好味。**餃子王 / 泡菜餃子王 (各$18)**兩款餃子都係即叫即蒸。外皮彈牙。原味餃子王餡料以豬肉同菜為主，味道傳統，好足料；個人更鍾意泡菜口味，微辣嘅泡菜豬肉餡更加惹味，值得encore！整體而言，韓屋嘅食物質素高，價錢合理（人均$150-$200），服務都幾好。後來我地先發現網上訂座有9折兼賺Rice Dollars，性價比更高。會再嚟幫襯！…查看更多

同事鍾意G-Dragon，而我鍾意食韓國🇰🇷菜。所以我地揀左GD應援餐廳。餐廳門和店內貼滿GD海報😍✔️ 牛排骨湯配韓國紅米飯牛骨熬出濃白湯底，紅米飯嚼勁十足，泡進湯里吸收精華，香濃入味！✔️ 泡菜餃子王餃子皮厚薄剛好，內餡是泡菜+豬肉，荳芽，磨菇，荳腐和粉絲，泡菜微辣開胃！✔️ 餃子王（原味）豬肉+蔬菜，荳芽，磨菇，荳腐和粉絲，餡料滿滿，蘸韓式 醬油很搭配！🍍菠蘿燒酒甜滋滋的果香，女生也會愛上。…查看更多

最近去韓國街試左e間餐廳🥰餐廳店面比較少，但又坐得舒服👍🏻餐廳主打係韓國嘅靚湯同石鍋飯😍🌸牛膝骨湯一上枱就聞到濃郁牛香，湯底乳白色，入口滑溜又夠味，牛膝嘅口感都幾似牛筋，啖啖膠質，暖胃又滋補，我地配左素麵，麵條爽口彈牙，吸哂湯嘅精華，食落唔會膩，適合e家天氣食😋同埋完全唔覺有味精🤤🌸醬炒牛肉石鍋拌飯就最有驚喜，石鍋熱辣辣，底部飯焦香脆口，牛肉用韓式甜醬炒得入味，鹹甜適中，配埋蛋黃，蔬菜一齊撈勻，口感豐富又滿足❤️我地都叫左一杯Peach Juice🍑勁滿足😍…查看更多

一推門入去，木枱木椅加啲韓文裝飾，環境好有韓國街頭餐廳嘅Feel，似足韓劇入面嘅小店，Chill到爆！今次我哋叫咗牛排骨湯加素面、炒豬肉拌飯同餃子王，食完真心覺得正，啲嘢食有心又有味！牛排骨湯加素面：蒜香勁牛排骨湯一上枱，嗰陣蒜頭香氣真係誇張到不得了，聞到已經肚餓！湯頭清但好濃，蒜香同牛骨嘅鮮甜完美融合，飲落暖笠笠，仲有陣陣蒜頭嘅霸氣，超正！排骨燉到軟腍腍，啲肉一咬就散，入口即化，爽到喊！加條素面更加係神來之筆，麵條彈牙又吸晒蒜香湯汁，每啖都係滿滿幸福感。呢碗湯麵份量夠，真係暖心又暖胃！炒豬肉拌飯炒豬肉拌飯一嚟，嘩，賣相真係靚到爆！飯面鋪滿紫菜、蘿蔔線同爽口青菜，五顏六色，望到即刻想攞手機影低！豬肉炒得香噴噴，帶少少咬勁，醬汁單獨上，係嗰種韓式微辣微甜嘅經典味道，自己調份量超方便。拌勻之後，飯粒粒粒分明，紫菜嘅香、蘿蔔線嘅脆同青菜嘅清新一齊爆發，食落好有層次感。不過鍾意辣嘅朋友可能會覺得醬汁略為溫和咗啲，但整體真係好食到停唔到口！餃子王：手掌大蒸餃餃子王係蒸餃，話你知，每隻真係手掌咁大，份量誇張！蒸得啱啱好，外皮薄而唔爛，咬落去內餡Juicy到爆，豬肉同菜混搭得啱啱好，仲有陣陣蔥香，調味濃而不鹹。沾啲韓式醬汁，一番風味！一飲品 Peach Juice & Green Apple Soda…查看更多

韓屋係尖沙咀金巴利道餐廳主打韓式餃子我最愛佢哋既餃子王大大隻一籠一隻，餃子皮厚薄適中，餡料滿滿除咗肉餡，仲有豆芽、蘑菇、豆腐及粉絲等等餡，非常豐富。另外叫咗款煎餃子食吓韓式煎餃子外皮香脆色澤金黃，新鮮餡料均勻。仲配咗個餃子汁，點埋嚟食特別惹味。泡菜餃子王泡菜辣辣哋食落味蕾好刺激，個辣度我都接受到。最緊要好食。蒸餃子細細隻岩哂我可以一啖食一隻。另有一番風味。醬炒牛肉拌飯好健康嘅牛肉拌飯，五種顏色好睇又好食，配咗啲麻油一齊撈埋嚟食好正。…查看更多

喂呀！又俾我挖到寶啦～位於尖沙咀韓國街嘅「韓屋」真係不得了！舖頭細細，得幾張枱，但係成日滿座！好多熟客返轉頭幫襯，我今日專登早啲嚟先唔使等位咋！【薯仔排骨湯 $168 】真心驚艷！湯底超濃郁，排骨煮到啱啱好，一夾就離骨❤️ 薯仔吸晒啲精華，軟糯入味～飲完成個人暖笠笠，好治癒啊！必點推薦👍【醬炒牛肉石鍋拌飯 $128 】上桌仲滋滋聲！牛肉醃得超入味，醬香濃郁～撈埋紫菜、芽菜、蘿蔔絲、豆皮同翠玉瓜等等嘅配料，再加埋脆脆飯焦嘅加持，口感層次爆棚！食到最後一啖都仲係熱辣辣～【煎醬牛小排餃子 $88 】皮薄餡多！煎到金黃香脆，入面係滿滿嘅牛小排肉餡，肉汁鎖得好好～點埋佢哋特製醬汁，真係停唔到口啊！環境雖然唔大，但乾淨企理～重點係店員姐姐笑容滿分😊 落單出菜快狠準，勁熟手！餐牌選擇唔算多，但樣樣都係正宗韓式口味，真心高質～！…查看更多

係尖沙咀韓國街，有間叫「韓屋」嘅韓國餐廳，真係值得一試🥢 我最近去咗，點咗佢哋嘅人蔘雞湯，入面有隻真材實料嘅雞，湯底濃郁，味道非常香醇，飲完好舒服✨炒豬肉石鍋芝土拌飯，呢個真係驚喜！店員會親自過嚟幫你炒，炒到啲芝士拉絲，真係好邪惡🍚 飯入面仲有好多唔同嘅配菜，令整個味道更加豐富，食落去超滿足👍我仲叫咗餃子王，入面係滿滿嘅韭菜餡，餃子又大又飽滿，口感超級好🥟 仲有叫左泡菜餃子王，味道辣辣地，鍾意辣嘅朋友一定會愛上🔥總括來講，韓屋嘅食物真係唔錯，無論係湯、飯定餃子，樣樣都好有水準，值得再去試試！🌟…查看更多

📍位於韓國街附近，白色牆身配合霓虹燈牌，暖色系令餐廳環境氛圍溫暖親民😚 店主明顯係G-Dragon粉絲，播住K-pop MV 同貼滿G-Dragon應援照，幾有韓國氣氛💿🎤🌀參雞湯 呢款韓國傳統料理最適合養生的媽媽! 唔講唔知，原來雞入面係內有乾坤，塞滿糯米、紅棗、人蔘、薑等養生材料長時間燉煮。用幼雞燉足幾個鐘，所以營養價值好高。雞肉一撕即刻甩出黎🙊 雖然嫩滑但係味道會比較淡口，建議加泡菜一齊食，味道即刻升級🔥。媽媽話湯頭好鮮甜，清淡又滋補，而且具有補氣補元氣功效🌀炒豬肉石鍋芝士拌飯 石鍋拌飯將半溶芝士🧀同其他配料如麻油香菇/翠玉瓜/ 辣豬肉攪拌後，口感層次豐富🙋🏻‍♀️採用釜山農場自家種植珍珠米同紅米，健康又有咬口，我自己都幾鍾意。雖然拌飯冇加額外醬汁，但其實都已經好夠味。如果想再食濃味d，可以加埋韓式辣醬。 🌀蒸大餃王餃子用小蒸籠裝住好可愛! 餃子皮薄煙韌，餡料係粉絲＋韭菜＋豬肉，咬落去好juicy。…查看更多

♥手掌咁大的韓國餃子⁉️🇰🇷♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥尖沙咀金巴利道的「韓屋」餐廳，門面以古典的木質設計仿似真正的韓屋，店內則走時尚風格，霓虹燈牌和飛天豬造型燈牌增添了不少特色～ ✨他家招牌「餃子王」是人氣餐品，大小如手掌般大，打卡一流！📸 蒸餃皮滑嫩，豬肉韭菜餡口感綿密～炒豬肉石鍋芝士拌飯 $138
配料有菇、紅蘿蔔、翠玉瓜和紫菜，店員會幫忙將辣醬和飯撈勻～
令人意外的是，飯底竟然是紅米飯！感覺更加健康！
牛排骨湯 $148
牛肋骨肉質軟腍，飲完很暖胃～
📍 韓屋 (尖沙咀)尖沙咀金巴利道69-71A號美園大廈地舖
.・。.・゜✭・♥・✫・゜・。.#尖沙咀餐廳 #尖沙咀美食 #尖沙咀韓國美食 #尖沙咀韓國街 #韓屋 #韓國美食 #韓式餐廳 #餃子 #韓國餃子 #明洞餃子 #香港必食 #尖沙咀必食…查看更多