羲和雅苑

營業中

休息中

咁啱今日約咗三個人一齊食，點知撞正有父親節二人套餐，就一於試吓呢個套餐啦！馳名烤鴨我冇諗過會有師傅現場即刻切，仲有一疊一疊咁樣喺度切，啲侍應好貼心，仲會興住啲烤鴨。佢仲要有好多唔同嘅配料，最驚訝嘅仲有爆爆糖！真係好搞笑！黃扒魚肚湯呢個湯真係真材實料！一入口，真係好濃稠，問一問到即刻已經覺得好好味。真係好值得試呀。松鼠桂魚呢個魚真係好好食！係我今日嘅Number one ！甜酸濃度啱啱好，魚質又滑！真係食到我舔舔脷。法式朱古力蛋糕真係好鍾意食呢個蛋糕，不過太細個我個人認為！其實仲嗌咗小籠包、紅油抄手、煎鍋貼同埋蒜泥白肉，不過都係一般般正常發揮。建議大家如果仲有其他嘢好想食嘅，就唔使刻意叫呢啲啦。