影片
更多
2024-03-17
180 瀏覽
🌭熊妹同B豬喺旺角行行吓街有啲肚餓，又未到食飯時候，行到去波鞋街👟，見到大大隻熱狗棒，就係韓國品牌《阿里郎熱狗棒》，諗到啖啖芝士🧀咁吸引，仲發現有新推出嘅韓式糖餅HO-TTEOK🥠，一於試晒佢地啦。📌熱狗棒價錢真心唔算貴，由最平$30至最貴$39，仲有款套餐包兩條熱狗棒、四粒芝士球同埋一串年糕香腸吋，價錢$120，最新推出嘅韓式糖餅仲要係$20至$30，小食店嚟講真係好抵食。雙重芝士熱狗棒， $36愛芝之人B豬必選，雙重芝士係mozzarella cheese同埋cheddar cheese，愛芝之人一定知道mozzarella cheese係淡淡嘅芝士味，用嚟拉絲作用，cheddar cheese就有超級濃郁嘅芝士味，兩者互相輝映，令鹹香嘅芝士味帶出最高嘅境界就係雙重芝士嘅美味！難怪芝士愛好者對佢愛不釋手💞！外層軟熟嘅麵包層融合內裡滿滿嘅雙重芝士，食到成口都係豐滿嘅芝士真係好滿足！最緊要係自己係面頭唧埋茄汁🥫同埋蜜糖芥茉醬🍯，一啖食落去酸酸甜甜更調出芝士嘅鹹香味，簡簡單單嘅一份熱狗棒小食，真係滋味在心頭💗！薯條鴛鴦芝腸熱狗棒，$39熱狗棒嘅餡料一係芝士一係腸仔，呢款All-in-On
🌭熊妹同B豬喺旺角行行吓街有啲肚餓，又未到食飯時候，行到去波鞋街👟，見到大大隻熱狗棒，就係韓國品牌《阿里郎熱狗棒》，諗到啖啖芝士🧀咁吸引，仲發現有新推出嘅韓式糖餅HO-TTEOK🥠，一於試晒佢地啦。
📌熱狗棒價錢真心唔算貴，由最平$30至最貴$39，仲有款套餐包兩條熱狗棒、四粒芝士球同埋一串年糕香腸吋，價錢$120，最新推出嘅韓式糖餅仲要係$20至$30，小食店嚟講真係好抵食。
雙重芝士熱狗棒
$36
10 瀏覽
0 讚好
0 留言
愛芝之人B豬必選，雙重芝士係mozzarella cheese同埋cheddar cheese，愛芝之人一定知道mozzarella cheese係淡淡嘅芝士味，用嚟拉絲作用，cheddar cheese就有超級濃郁嘅芝士味，兩者互相輝映，令鹹香嘅芝士味帶出最高嘅境界就係雙重芝士嘅美味！難怪芝士愛好者對佢愛不釋手💞！
7 瀏覽
0 讚好
0 留言
薯條鴛鴦芝腸熱狗棒
$39
13 瀏覽
0 讚好
0 留言
熱狗棒嘅餡料一係芝士一係腸仔，呢款All-in-One 就有齊芝士同腸仔，要包埋薯條粒係愛情，真係啱晒選擇困難症的熊妹，唔知食咩好就咩都食晒佢。
首先係食到芝士餡料，超級豐滿嘅芝士連埋外層脆卜卜嘅薯條一齊食，mozzarella cheese同薯仔🥔兩者淡淡嘅味道不嬲都好夾，下一層就係腸仔，食完芝士🧀再食鹹味少少嘅腸仔，就可以好分明咁樣食出兩種食材嘅味道，咁樣嘅鋪排好有諗頭。識得喺熱狗棒外面用薯條粒包住嚟炸，可以保持住薯條嘅脆口，再唧埋茄汁🥫喺上面，完全好似食緊芝士薯條點茄汁咁，真係一食三味，難怪呢款被定為店舖最佳之選👑，果然並非浪得虛明！
年糕腸仔串
7 瀏覽
0 讚好
0 留言
呢款係熊妹最愛嘅小食🍢，年糕同腸仔表面都煎烤過，一啖腸仔肉，一啖年糕嘅軟糯，加埋表面嘅酸甜沙律醬，一串有八件，真係滋味又飽肚！
芝士球
6 瀏覽
0 讚好
0 留言
諗住試左咁豐滿的芝士熱狗棒，芝士球都應該係同一款嘢。點知係好有驚喜！芝士球好大一粒，入面有車打芝士軟心🧀，主要係再放咗啲煙肉碎粒嘅材料，令到成件事有煙燻烤肉嘅感覺，並唔係就咁芝士球咁簡單，咁有驚喜嘅味道真係食完一粒仲想食一粒，唔錯！
韓式炒年糕
$40
8 瀏覽
0 讚好
0 留言
睇韓劇，見啲女主角同閨蜜們成日喺寒風凜冽的街頭下食熱辣辣的炒年糕，成日都想女一上身，模仿一下😆。
炒年糕🍡都好大一兜，入邊年糕煮得好軟糯，有好多片魚片糕，都煮到好軟熟，而韓式辣醬汁味道都幾辣🌶️，相信係凍嘅天氣食嘅時候，又熱又辦嘅感覺真係會令人熱血沸騰，難怪咁受女一同閏蜜們歡迎👏🏻。
蜜糖糖餅，糯米糖餅
4 瀏覽
0 讚好
0 留言
其貌不揚嘅糖餅$20 一塊好大一塊🥠，外皮炸到脆卜卜，入邊原來係糍粑咁軟糯，中間仲有蜜糖流心🍯，好有咬口又唔算好甜，原來韓國傳統咁經典嘅小食，香港地方真係好難食到，咁抵嘅價錢絕對係可以再encore。
糯米糖餅， $25
糯米糖餅面頭就灑咗啲黃豆粉🧂，糖餅外脆內軟，用糯米造成比起普通糖餅更加軟糯，入邊擺咗啲肉桂粉，無蜜糖嘅流心就多一份肉桂嘅味道，真係食到舔舔脷👅！
📌《阿里郎熱狗棒》前幾年襲港嘅時候，真係風靡一時，人頭湧湧🚶🏻♀️，相信無一個年輕一代唔認識，估唔到到而家依然人來人往，客源不絕，咁特別嘅韓國小食嚟到香港一定有市場，🉐！
張貼
