財記火鍋小館

營業中

休息中

捉實冬日的節奏✌🏻把握時間打邊爐食煲仔飯!!上星期去左荃灣三陂坊既財記火鍋小館一入去餐廳已經聞到好香既椰子雞🐓 決定一試!!我地揀左2人餐 包左一個煲仔飯 一個火鍋同一盤菜🥙煲仔飯揀左豉蒜白鱔煲仔飯🐟即叫即整熱辣辣 加左豉油焗多3,4分鐘左右 打開就有好正既脆邊飯焦 白鱔件份量都唔少 非常惹味.我地另外叫左原汁原味椰子雞!! 雞件已預先砍好 先將湯底煮滾 加入雞件後平均用湯浸過 再蓋上蓋 熄火 焗煮8分鐘 之後就可以食得架啦!果然 咁樣啲雞不但又嫩又滑 仲非常入味 我地忍唔住直接飲左2碗椰子雞湯! 好清甜!我地另外叫左黑毛豬片同墨魚滑 份量絕對比想像中多 連墨魚滑都係打孖上🤣好彈牙黑毛豬片又大又厚切 爭啲怕會食唔晒🥹下次一定會叫多啲朋友黎一齊食 就可以叫多兩款餸🥰