拾味山西刀削麵館

營業中

休息中

呢排都係灣仔做嘢，天氣熱熱地，想食個快餐，就去咗拾味食碗快快刀削麵。呢間之前食過一次，出名刀削麵，上次食係熱嘅刀削麵，今次試吓冷刀削麵，叫左拾味冷刀，入邊有青瓜絲、擔擔醬、千島醬、同粟米粒，我配左手撕雞，見到雞腎喺個餐牌上有個手指公，加多$10配埋雞腎，講嘢嚟到，刀削麵名不虛傳好煙韌，一路食見到個廚房師傅不斷地攞個麵團批批批，視覺和味覺嘅享受，麵條之間絕對唔會黐埋一舊，淡淡醬汁少少辣辣地，夾埋千島醬難得地豐富了口感，和諧得來唔衝突，手撕雞係雞胸肉，少少鞋口但唔橡筋，雞腎切得薄身，滷水醃得均勻，有口感彈牙，青瓜絲同粟米粒恰如其分，為整個麵帶來清新爽甜嘅口感。