千海水產海鮮火鍋放題

營業中

休息中

屋企人之前去淘大食完千海水產就一直話好正，想帶我去，結果佢成日周圍飛，夾唔啱佢時間，唯有自己去試吓😆呢間餐廳真心唔錯，食物款式好多，有普通邊爐、放題，仲有自助新鮮即撈海鮮，數過有六款蜆、三款蝦、一款蟹，仲有鮑魚添。而且就算夜晚七點後比較多人，啲人都裝滿一羅羅嘅海鮮，因為keep住有職員補貨，所以海鮮區一直有滿滿嘅貨源，唔怕行慢啲俾人搶晒🤣估唔到竟然仲有依家時令嘅榴槤😱我至少食咗五嚿🤣由於係燒榴槤，所以軟軟糯糯，好甜，好好食食食吓正餐我又去咗食甜品😗呢度竟然有Häagen-Dazs，仲有我最近好鍾意食嘅焦糖脆餅同夏威夷果仁味道❤️開心～而且呢度有勁多款飲品，有罐裝、紙包、支裝飲品、台式飲品、啤酒、生啤、清酒，應有盡有，任供選擇🍸By the way佢哋嘅木瓜雪燕都好好食，上枱時仲係暖笠笠架而且呢度嘅職員真心好好服務，而且好幽默，我哋熄咗個爐，想再開返，開極都開唔到，所以搵人幫手。佢睇一睇，輕輕打一打個爐，同我哋講個爐係男仔，要打一打先着；如果係女嘅，就要呵一呵🤣🤣🤣後續都有關心我哋睇吓我哋啱唔啱食，個爐仲有冇唔聽話😆而且就算夜晚人流開始多，收盤速度都算快，又有人情味，真心幾欣賞呢度嘅員工，