影片
更多
2024-03-15
1209 瀏覽
早排放晴去左大水管影相。呢間地鐵站直達既牛摩位置方便，睇準時間食完衝落樓下巴士總站就可以往返市區同新界西。為左把握任食時間，餐廳採用先點後坐形式，好讓客人放店外選定湯底同套餐，埋枱先開始計時。我地坐既二人卡位有獨立小電爐，變相可以免費享用鴛鴦湯底。Classic沙嗲湯有幼磨花生粒真材實料，但又唔會過鹹或搶肉味。另一個骨膠原雞白湯係話題之作，好似一塊巨型蒟蒻慢慢溶開，配菜類最滋潤。未落單先上一碟相應級別的牛肉。今次揀左中間價位的牛小排，油花豐盈內質軟嫰。Level 4套餐包含既海蝦系統用人頭計數量，所以要嗌多幾次。蝦隻新鮮唔痴殼，鮮甜有汁。青口正常，魷魚有新鮮貨既口感，不過我更加鐘意粒粒墨魚滑。食完靚牛多手叫一份牛胸腹，一份羊肉。牛胸腹牛肉味濃好多，但就比較瘦無咁滑，試過都係encore牛小排。而羊肉肥位有些微爽口，無羶味唔食羊既都可以試下。過場仲可以係系統點小食，由於唔係放置於自助區，即叫即做一定脆口。試左炸芝士、芥末雞塊等等，洋蔥圈雞皮餃子最有驚喜。炸蝦寶有真蝦肉粒，一定要食。後來再encore既牛小排依然保持第一碟的質素，上菜亦好快，只係如果厚切多一點點就更正。唔記得講壽喜燒先包生
為左把握任食時間，餐廳採用先點後坐形式，好讓客人放店外選定湯底同套餐，埋枱先開始計時。
我地坐既二人卡位有獨立小電爐，變相可以免費享用鴛鴦湯底。Classic沙嗲湯有幼磨花生粒真材實料，但又唔會過鹹或搶肉味。
另一個骨膠原雞白湯係話題之作，好似一塊巨型蒟蒻慢慢溶開，配菜類最滋潤。
未落單先上一碟相應級別的牛肉。今次揀左中間價位的牛小排，油花豐盈內質軟嫰。
Level 4套餐包含既海蝦系統用人頭計數量，所以要嗌多幾次。蝦隻新鮮唔痴殼，鮮甜有汁。青口正常，魷魚有新鮮貨既口感，不過我更加鐘意粒粒墨魚滑。
食完靚牛多手叫一份牛胸腹，一份羊肉。牛胸腹牛肉味濃好多，但就比較瘦無咁滑，試過都係encore牛小排。
而羊肉肥位有些微爽口，無羶味唔食羊既都可以試下。
過場仲可以係系統點小食，由於唔係放置於自助區，即叫即做一定脆口。
試左炸芝士、芥末雞塊等等，洋蔥圈雞皮餃子最有驚喜。
炸蝦寶有真蝦肉粒，一定要食。
後來再encore既牛小排依然保持第一碟的質素，上菜亦好快，只係如果厚切多一點點就更正。
唔記得講壽喜燒先包生雞蛋，叫其他湯底可以用温泉蛋替代拌牛肉食。
張貼
