影片
更多
2022-08-27
3541 瀏覽
做完野又係時候搵食，是日就黎左non kitchen到食晏，貪佢有個自助吧，頭盤可以任食。因為之前黎過食佢嘅任食牛扒，知道佢哋個門口都幾唔顯眼，如果唔係有心搵，真係唔知有呢間樓上餐廳㗎。點半鐘上到黎又唔算多人食喎，唔使等位就直接入座。落完餐就出去夾野食先，拎個餐湯同沙律慢慢嘆。是日餐湯係蕃茄湯，鹹鹹酸酸幾開胃。餐包都有幾款揀，夾左個黑芝麻包同蒜蓉多士，塊多士仲熱㗎，又香又脆好食。沙律有紅綠生菜、羽衣甘藍、紅菜頭等，醬汁有沙律醋、黑醋、橄欖油、沙律醬等，仲有芝士粉同麵包糠，仲有一樣啱口味。主菜叫左黑松露野菌芝士焗吉列雞胸，上枱時好香啊～大大塊吉列雞胸，外面好脆口，入面啲雞肉仲好嫩滑，雞胸肉都唔鞋口喎。上面放了芝士雜菇，下面係薯仔沙律，成碟都好好味。餐飲叫了凍奶茶，不過不失啦，好處係糖水自己加，可以做到微甜。雖然淨食個主菜都已經好飽，但都出去添多次沙律菜，真係好抵食。
因為之前黎過食佢嘅任食牛扒，知道佢哋個門口都幾唔顯眼，如果唔係有心搵，真係唔知有呢間樓上餐廳㗎。
點半鐘上到黎又唔算多人食喎，唔使等位就直接入座。
落完餐就出去夾野食先，拎個餐湯同沙律慢慢嘆。
是日餐湯係蕃茄湯，鹹鹹酸酸幾開胃。
餐包都有幾款揀，夾左個黑芝麻包同蒜蓉多士，塊多士仲熱㗎，又香又脆好食。
沙律有紅綠生菜、羽衣甘藍、紅菜頭等，醬汁有沙律醋、黑醋、橄欖油、沙律醬等，仲有芝士粉同麵包糠，仲有一樣啱口味。
主菜叫左黑松露野菌芝士焗吉列雞胸，上枱時好香啊～大大塊吉列雞胸，外面好脆口，入面啲雞肉仲好嫩滑，雞胸肉都唔鞋口喎。上面放了芝士雜菇，下面係薯仔沙律，成碟都好好味。
餐飲叫了凍奶茶，不過不失啦，好處係糖水自己加，可以做到微甜。
雖然淨食個主菜都已經好飽，但都出去添多次沙律菜，真係好抵食。
張貼
