NON KITCHEN

營業中

休息中

又來Non Kitchen吃晚餐。十分喜愛這裏的環境和食物。餐廳主打性價比高的精緻西式料理，餐廳以黑白色工業風為主，座位之間空間寬敞，枱與枱之間有一定距離，搭配暖調的柔和燈光，背景音樂播放著柔和的英文歌，帶有舊式西餐廳的懷舊感，整體環境非常舒服。是日餐湯配蒜蓉包椰菜花忌廉湯甜甜的，十分Creamy，和鹹香酥脆的蒜蓉包很夾。凱撒沙律新鮮的羅馬生菜搭配香濃的凱撒醬，味道非常出色。沙律醬的調味恰到好處，整體清爽而不膩。炭燒紐西蘭西冷牛扒牛扒肉質緊實且富有光澤，邊緣微微焦脆，切開後內部呈現完美的粉紅色（Medium熟度）。一口咬下，肉汁瞬間在口中爆發，濃郁的肉香和炭燒味非常突出。法式慢煮油封鴨脾配牛肝菌意大利燴飯鴨脾外皮呈現金黃色，帶有微微的焦脆感，肉質極為軟嫩，外皮酥脆，內裡多汁，米粒飽滿且均勻地裹著醬汁，好味！提拉米蘇海綿蛋糕鬆軟，咖啡味濃郁，cream和芝士的香氣完美融合。不會太苦，整體甜度適中。朱古力心太軟一刀切下，朱古力蛋糕內裡濃稠的朱古力醬瞬間傾瀉而出。 朱古力醬絲滑細膩，很濃郁。 雪糕的冰涼與朱古力的溫熱在舌尖交織，「外冷內熱」。 大愛！以$498的二人套餐來說，食物的質量和份量

呢日黎到牛頭角呢一間non kitchen 度食晚餐~ 佢枱同枱之間都放得唔係好密, 坐得都幾舒服, 又唔驚聽到隔離枱講乜~ 我地叫左一個2人餐, 要左一個西冷牛扒, 一個油封鴨髀意大利飯, 2人餐仲有湯,沙律, 餐包, 野飲同埋甜品送添~ 佢個餐湯好creamy 好好飲! 餐包夠哂熱辣辣, 好好食! 點埋佢個醬真係一流! 好好味! 我地仲加左$9 要左一碟青口, 好抵! 份量都有好多! 跟住西冷牛扒我地要左7成, 佢既肉質好彈, 唔會係淋個種, 配埋個醬食好香好好味! 封鴨髀意大利飯份量好多, 鴨髀size 都幾大, 個意大利飯味道好好! 好岩我地口味! 我地食到停唔到口! 跟住飲埋野飲同埋食埋甜品真係好滿足!佢甜品可以揀泡芙又或者係tiramisu~ 兩樣都好好食!

呢間西餐廳見好多同事介紹話好好食😋今日過來觀塘行街就簡係要黎試下啦，佢係工業大廈上面，入到去好大，自己一層，超有西式餐廳既feeling，成個氣氛都好浪漫，超正Set For 2🌟凱撒沙律好都新鮮既沙律菜🥗加上好fresh既柚子汁，好開胃🌟廚師沙律有薯仔既配搭，仲有沙律菜🥙好fresh🌟Daily Soup今日既餐湯係黑松露忌廉湯，好濃郁既黑松露味加上絲滑既忌廉，真係超鮮甜🌟炭燒紐西蘭西冷牛扒我地叫左5分熟，好大舊既西冷牛扒🥩一刀切落去可以見到入面既肉好新鮮，肉質好嫩口，啖啖都好juicy，只係加左鹽同黑椒去剪，講牛扒既鮮味全部呈現出黎，超推薦🌟意大利四色芝士手工薄餅個pizza係長身既，個餅底係手工製口感係有d吾同🍕比較薄身，d芝士係一拉就起，滿滿既芝士🧀好濃郁，餅底係好煙韌，又吾好多既醬汁，好好食🌟意大利雪糕泡芙外面係一個雲呢拿雪糕裡面係泡芙，先東後軟，同平時食既泡芙口感係調轉，好似食緊雪糕甘🍨好特別🌟提拉米蘇細細地一杯，好綿密，好絲滑，酒既清香比較突出🌟小食拼盤入面有3種吾同既小食，又炸到好香脆既雞翼，有薯條🍟有洋蔥圈，食得出全部都係即叫即炸，好香脆

周末，我帶家人去牛頭角的Non Kitchen餐廳，享受了一次美味的晚餐✨。他們的餐牌設計如外國報紙，輕鬆又有趣。選了晚餐套餐，前菜是凱撒沙律，新鮮爽脆，經典好味。餐湯選了素菜湯，微酸帶辣，開胃👍。主菜是12oz炭燒澳洲肉眼牛扒，肉質嫩滑，炭燒香氣撲鼻，極致享受🔥🥩。還有西班牙伊比利亞火腿卡邦尼寬蛋麵，麵條滑溜，醬汁恰到好處❤️。甜點選了提拉米蘇和意大利雪糕泡芙，甜美滋味讓人難以抗拒🤭。整體來說，這次的餐飲體驗絕對值得讚賞，質素高，價格合理，9/10👍。餐廳氛圍舒適，適合家庭聚會、約會或紀念日，飯後還可以海濱散步，絕對推薦！

Book了台慶祝生日 但餐廳並沒有預留座位給我們沒有reserved的台 要坐在最近門口 服務員送菜會行來行去的地方 後來見到有客人和我們一樣 是慶祝生日 也是需要坐門口的 但卡位的客人是食完在獠牙的 感覺是先到先得的食物方面沙律一般 有印象蕃薯味道不錯湯口感一般 不是滑的 我點的是忌廉湯 牛加了錢轉牛柳 suppose要嫩滑 但肉的口感很柴 好老 點了一杯水果酒（盛惠88元 ） 只是Wine加了幾粒水果入去 她答我是 問過店員是否調酒 但並不是調酒甜品一般 沒有寫客人的名字 整體感到失望 不是一個慶祝的好地方 可能平時食飯價錢都實惠

早排收工約左同事去觀塘食晚餐，搵左呢間位於工廈內的西餐廳，走工業風格，空間感大，座位闊落 ，可以好舒服同朋友邊食邊傾CHEF'S RECOMMENDATION SET: SET FOR 2 $498一次過食均沙律、湯、主菜、Pasta/Pizza、甜品同飲品，真心抵食SALAD可選廚師沙律或凱撒沙律，今次揀左各一，沙律菜好新鮮，加上蕃茄同奶酪清辣又開胃SOUP是日餐湯係忌廉湯，香濃入口順滑, 旁邊仲有香脆的麵包片同麵包條，配上芝士奶油醬好香又惹味MAIN今次揀左炭燒紐西蘭西冷牛扒，五成熟口感好好夠粉嫩，肉質厚實外皮帶焦香，鮮嫩多汁，香而不膩，配上烤蔬菜大滿足PASTA今次揀左至尊Pizza，薄餅底酥脆可口，面頭滿滿配料，好鐘意個醬汁酸酸甜甜好惹味，最岩同朋友開心ShareDESSERT可以選擇提拉米蘇/意大利雪糕泡芙, 意大利雪糕泡芙好好食，內層忌廉香滑，配上雪糕同新鮮的水果好有驚喜，另外套餐可以半價order其他甜品，今次叫左蘋果撻，啖啖蘋果香，富口感，面頭仲有雪糕有種冰火相融既感覺

有一晚心血來潮好想食steak又要等人收工先開飯🫠無意間發現到non kitchen!🤗上去個環境又係好正好靜～同埋啲枱與枱中間係隔好遠好適合靜靜地傾計我地遲咗去，臨近last order🫣但絕對無影響個味道同服務態度🤗真係 好 好 好 好 好 好 味！！！！！！！！！！！！！！由前菜 到湯 到 主菜樣樣都咁出色個steak 好出色 好夠肉汁!!!勁juicy!Sorry 真係好食到唔係樣樣都有影相🤣做唔到相機食先 要人食先啦🤗🤗🤗我搵唔到可以批評嘅地方如果一定要講，就係…佢令我好想再食到呀！！極度推薦大家真係可以自己去親身試下呢間咁正嘅工廈餐廳🤪提提大家 如果想食一定一定要book位呀！！

隱世工廈炭燒牛扒 同太太撐枱腳驚喜收穫！上個禮拜同太座慶祝紀念日，專登揾間隱世餐廳撐枱腳。搵到觀塘鴻圖道精棉工業大廈樓上嘅「Non Kitchen」，坐得舒服唔侷促，啱晒兩公婆靜靜哋傾偈。炭燒牛扒 焦香鎖住肉汁主角係 炭燒紐西蘭戈冷牛排，嗌咗medium rare。一上枱就聞到陣陣炭火焦香，直頭係嗅覺先食！件牛扒外層燒到微微脆口，切開見到粉嫩嘅肉心，啲肉汁多到差啲流落砧板。冷牛本身油脂均勻，入口軟腍得嚟帶啲咬口，炭燒味同濃郁嘅牛肉味夾到絕，唔使點醬汁已經好鬼正。最抵讚係啲肉邊位帶少少脂肪，燒到脆香，咬落去油香爆出嚟，簡直係邪惡嘅享受！香辣蝦意粉 鑊氣十足夠刺激另一道 香辣蒜片海蝦少意粉 都冇失手！大蝦夠晒新鮮，蝦肉爽口彈牙，重點係個香辣蒜片醬汁 — 蒜片炸到金黃脆卜卜，辣度係慢慢滲出嚟嗰種，唔會霸道搶喉，反而吊出蝦嘅鮮甜。意粉煮得啱啱好，咬落有韌度，索晒啲香辣蒜油同蝦膏精華，鑊氣十足，食到舐舐脷！呢個辣度對我哋嚟講好過癮，夠刺激又唔會遮晒其他味道。兩公婆嘅滿足收工飯成個set份量啱啱好，兩公婆食到摸住個肚好滿足。喺工廠區工廈入面，估唔到有咁高質嘅西餐，炭燒牛扒同香辣意粉都做得出色。環境

Non Kitchen觀塘鴻圖道12精棉工業大廈1樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：CHEF'S RECOMMENDATION SET: SET FOR 2 $498SALAD：可選廚師沙律或凱撒沙律,包含了各種新鮮的蔬菜,如生菜、蕃茄等,並撒上了一些香料和奶酪, 非常清新爽口,健康又美味！😄😄😄SOUP：餐前的忌廉湯帶有濃郁的香氣和味道, 口感綿密, 隨餐湯附上的麵包片及麵包條亦烘焙至恰到好處,配上芝士奶油醬簡直一流！👍👍👍MAIN：我們選了炭燒紐西蘭西冷牛扒,西冷牛扒肉質厚實,看起來非常誘人, 表面呈現出漂亮的焦糖色澤,入口鮮嫩多汁,內部保持著粉嫩的粉紅色調,配以烤得焦香的蔬菜,令人滿足！😍😍😍PASTA X 1：我們選了超級至尊手工薄餅, 薄餅表面鋪滿了各種美味食材,呈現出豐富多彩的視覺效果, 薄餅底酥脆可口, 可見使用了優質的麵粉和烘焙技術製作,非常滋味！😋😋😋DESSERT：我們選了提拉米蘇及意大利雪糕泡芙, 意大利雪糕泡芙由香甜軟滑忌廉包裹著,配以新鮮的水果和可可粉,美觀又美味; 提拉米蘇由透明杯子盛載, 濃郁的咖啡味

睇食評已經見到有人食完肚瀉又腸胃炎，本着友人訂位又未試過就試吓，去到亦和友人講有關食評，友人不以為意，我亦認為既然嚟到亦唔想太抗拒，嗰日喺閒日，兩人午餐時間入座，地方大環境偏暗，感覺唔差，兩人各自點了不同午餐：西冷牛扒和豬勒條，午餐會送salad bar 任食，南瓜湯任飲，我們兩人各出去拎過一份沙律和湯，便進食午餐，友人對西冷牛扒也讚不絕口，我點嘅豬肉質就比較霉，傍晚時分已開始唔妥，入夜便上吐下瀉，足足唞咗兩日先復原，（當日全日只在此餐廳進食過），其實餐廳服務唔差，如果注意多啲食物安全及衛生，相信客人亦會安心。🙏🏻

今日同家人去到Non Kitchen食西餐。雖然Non Kitchen係工廈1樓，但餐廳裝修幾有格調，燈光柔和，坐得舒服～牛頭角站行過去大概10分鐘。晚市都幾full～人均3百左右食到沙律、湯、主菜、甜品同升級飲品，性價比超高！每樣都有誠意。 ★前菜+餐湯★凱撒沙拉正常發揮，菜夠新鮮，醬汁唔會太漏。今日個甘筍湯有驚喜！飲到微微甘筍甜味，質地creamy，好飲到想encore😆  ★香辣蒜片海蝦炒意粉★辣度啱啱好，蒜片爆得香口，蝦算大隻又彈牙，意粉炒得乾身唔油膩，夠鑊氣！  ★炭燒紐西蘭西冷牛排★叫咗medium，切開粉紅色啱啱好～肉質超嫩有牛味，配紅酒汁同薯蓉，好正！★飲品+甜品★加錢升級嘅青檸蘇打同荔枝水果茶都大杯抵飲，生果茶有多款果肉😳 Tíramisu酒味唔算太重，但芝士層夠滑，咖啡粉中和咗甜度，完美結尾✨  【Non Kitchen】📌觀塘鴻圖道12精棉工業大廈1樓

好鍾意去呢間餐廳食晚餐，最近餐牌換新，增加了不少新鮮感。今日我哋點咗一個二人套餐$498, 套餐包括兩個湯、餐包、沙律、主菜、甜品及飲品,非常豐富。餐湯是西蘭花忌廉湯、主菜點了紐西蘭炭燒牛扒、西班牙風乾火腿卡邦尼闊蛋麵、甜品點了tiramisu和心太軟。另外我們follow了餐廳的Instagram，便可以加$9品嚐法式白汁藍青口。非常正！！！👍👍👍餐包脆脆的口感與餐包的柔軟形成鮮明對比，令人驚喜。芝士醬是亮點，綿密的質地和香濃的芝士味，讓整體風味更加豐富。😋😋😋凱撒沙律生菜新鮮脆口，搭配了豐富的凱撒醬，醬汁滑順而不膩，增添了濃郁的風味。沙律中的麵包丁則帶來了酥脆的口感，與柔軟的生菜形成了良好的對比，讓人每一口都充滿驚喜。🥰🥰🥰薯仔沙律薯仔配上多種不同的沙律菜、蕃茄仔和紅蘿蔔絲，另外淋上黑醋。薯仔充滿口感，味道不錯。❤️❤️❤️法式白汁藍青口新鮮的藍青口配著濃郁的奶油白汁，讓人忍不住想要馬上品嚐。青口煮得恰到好處，肉質鮮嫩，與醬汁的融合度非常高。值得一提，現在在Instagram上關注該餐廳，即可享受這道藍青口的特別優惠，只需$9，原價$88，無疑是一個非常划算的選擇。👍👍👍炭燒紐西蘭牛扒牛

試過這家工廈西餐廳都知道其出品不錯，今次帶朋友來試，她也讚不絕口，二人餐由沙律開始，餐湯丶餐包，再來主菜，最後還有甜品及餐飲凱撒沙律 - 爽脆羅馬生菜，略嫌芝士粉味偏重餐前麵包- 軟熟的Focaccia 及 鬆脆的Grissini，配松露牛油西蘭花忌廉湯 - 質感幼滑，一點菜青味都沒有，不錯龍蝦湯 - 加$38升級，濃稠的，微微苦味(估計是加了干邑或酒)，還有爽口的蝦肉炭燒美國安格斯西冷牛扒 - 炭燒味很香，五成熟，肉質軟嫩，不用額外加調味醬汁，已經夠味，推介香辣蒜片海蝦炒意粉 - 蒜味香濃，辣度適中，超出預期的好味甜品 - 有層次的Tiramisu，手指餅、怖滿可可粉的蛋與芝士，浸透咖啡的餅底，為這餐添點甜餐飲 - 凍檸茶

Non Kitchen (觀塘)觀塘鴻圖道12精棉工業大廈1樓餐廳位於工業大廈樓上，環境幾有格調，今次試咗佢哋嘅2人套餐，真係好豐富！睇首先嚟嘅係凱薩沙拉， 沙律菜好新鮮，羅馬生菜脆卜卜，加埋煙肉碎、麵包粒同芝士，口感豐富。凱薩醬調得啱啱好，唔會太濃，食落好清爽，作為前菜好開胃！龍蝦濃湯，個湯真係好濃郁，龍蝦味好出，飲落好creamy，仲有少少龍蝦肉碎，增加咗口感。飲完個湯已經覺得好滿足，鍾意濃湯嘅朋友一定會鍾意！香辣蒜片海鮮炒意粉，呢個意粉好有鑊氣，海鮮份量足，有蝦、蜆同魷魚，全部都好新鮮。蒜片炒得香脆，帶少少辣味，好惹味！意粉煮得啱啱好，彈牙有咬口，成個配搭好夾，食到停唔到口！炭燒紐西蘭西冷牛排，牛排叫咗medium rare，切開見到粉紅色，肉汁豐富，炭燒香味好出。肉質好嫩，牛味濃郁，配埋黑椒汁同燒汁，味道更加提升。旁邊嘅配菜都唔錯，薯蓉滑溜，蔬菜清甜，整體好高質！提拉米蘇好有驚喜！咖啡味同酒香平衡得好好，芝士層好滑，蛋糕浸得夠濕潤，食落唔會太甜，作為飯後甜品真係完美！意大利雪糕泡芙，泡芙外皮酥脆，入面嘅雪糕好滑，味道濃郁，凍冰冰咁食好過癮。雪糕同泡芙嘅配搭好夾，食完真係好滿足！

同同事慶祝生日，去咗附近工廈嘅西餐廳，好耐冇去，我地都覺得好食左。午市包salad bar, 有湯、沙律、及麵包，款式唔算多，但每款味道都唔錯。仲有驚喜係有白芝麻沙律上面嘅點綴，真係好少見，又有營養。炭燒紐西蘭西冷牛扒炭燒嘅網紋明顯，有獨特的炭燒風味，不過味道略為帶苦。肉質應該嫩滑，咀嚼時能感受到濃濃既肉味。牛扒沒有調味，醬汁較為淡味。