味火鍋 (雅仕洋樓)

無限時抵食之《味火鍋》生日飯唔好比佢停，朋友又帶我食好西，今次係無限時放題火鍋，我地6點到門口已經有人等梗，朋友話呢間火鍋一定要book，7點半基本上全場爆滿，餐廳環境舒適，座位夠大，餐廳有自助醬料區，同飲品區自己拎，前菜拼盤一客：青瓜、酸醋雲耳、中華沙律、炸雞軟骨、火鍋四部曲 $318：自選頭盤、自選湯底、皇牌火鍋拼盤、精選火鍋配料，第一部：自選頭盤(每位4選1)，我地揀左芝士焗波士頓龍蝦(每客半隻)，靚相靚仔，幾大隻，肉質扎實好多膏，第二部：自選湯底，有十款湯底選擇，可以鴛鴦湯底，我地揀左日式豆乳海鮮鍋同四川麻辣鴨血鍋(小辣)，麻辣鍋足料辣度正，鴨血口感爽滑，豆乳鍋都有豆乳味，第三部：皇牌火鍋拼盤，時令海鮮拼盤同美國安格斯牛肉拼盤，兩款拼盤擺盤漂亮，賣相精緻，精選時令海鮮拼盤：整體海鮮新鮮，帶子同鮑魚大隻彈牙，魚片爽口，海蝦同蠔鮮甜、美國安格斯牛肉拼盤：手切牛小排，牛肩胛，封門柳，牛板腱，整體牛肉質素好好，特別牛板腱味道好香牛味，蔬菜籃：有南瓜、蕃茄、粟米、菇、生菜、娃娃菜，第四部：精選火鍋配料，種款都好多，有牛肉、豚肉、丸類、水餃等，其實基本上食完頭盤龍蝦，海鮮同靚牛肉，已經有6