Taylor Shellfish Farms (高街)

營業中

休息中

行經呢間，見到門口嘅蠔有七折，就入去試試。店員好nice，每種蠔咁解釋，今日淺嚐只係叫左六隻，每隻都好鮮，開蠔師父開得好好，可以飲埋蠔殻嘅海水。叫左個意大利飯，有驚喜。好耐無食到意大利飯嘅煙靱嘅，唔係太黏就係軟。個汁可以繄貼每粒飯，你睇個碟係無咩多餘嘅汁係碟邊。食落竟然無膩嘅感動，有不停想食下一啖嘅衝動。再來就係本座大愛：炸魚薯條。炸魚有得揀咩魚肉黎炸，今次呢隻魚肉實淨，再埋外層薄薄嘅粉漿，好似食新鮮蒸魚嘅口感薯條係好好味，好脆，睇落以為係厚切嘅肉肉薯條，食落係鬆脆嘅薄版薯條，從未試過咁嘅口感，夠乾身，仲要入口唔覺得熱氣，今次大件事了。每樣都好好味，再光顧之選。