影片
更多
2021-02-12
138 瀏覽
今次介紹既係尖沙咀韓國街金巴利道既一間人氣韓國菜餐廳，呢間係19年開業既韓國餐廳，餐廳以粉紅色調為主，裝修行少女風。韓屋由韓國人主理，賣正宗住家菜，主打10多款養生暖胃之餘仲無味精嘅韓國住家熱湯，例如人蔘雞湯、雪濃湯，因為係住家菜所以見唔到炸雞或燒肉，但會有伴飯同餃子等。-前菜係辣醃蘿蔔，食落小辣辣，口感爽口，味道開胃。-1️⃣⃣ 醬炒牛肉石鍋芝士拌飯💰128（👅: 8/10）石鍋好處就係食咁耐溫度仲可以保持。配料有蛋絲、紫菜、蘿蔔絲、菇、芽菜、翠肉瓜、菠菜等。可以睇到芝士拉絲效果明顯，加芝士有加分，但芝士份量可以再多D。辣醬係分開上，可以自己調節個辣度，食落辣味唔重反而帶甜味，牛肉炒得香口。飯底係用養生既韓式紅米飯取代白飯，有麻油香，如果要食飯焦就要等一至兩分鐘先撈，香脆既飯焦會豐富左拌飯既口感。配料夠多，有爽口既配料再加飯焦，食落口感豐富。-2️⃣ 雪濃湯 💰138（👅: 9/10）同樣係用石鍋，溫度足夠，飲落熱辣辣。配料有好多塊小牛肉、蔥花、洋蔥絲、粉絲，配料份量多，飲哂成碗都飽飽地。用牛骨同牛肉長時間熬煮而成，飲落牛既肉味好足夠，甜味好甜係牛既鮮甜味，如果加飯或者粉絲食應該好入味，但因為
今次介紹既係尖沙咀韓國街金巴利道既一間人氣韓國菜餐廳，呢間係19年開業既韓國餐廳，餐廳以粉紅色調為主，裝修行少女風。韓屋由韓國人主理，賣正宗住家菜，主打10多款養生暖胃之餘仲無味精嘅韓國住家熱湯，例如人蔘雞湯、雪濃湯，因為係住家菜所以見唔到炸雞或燒肉，但會有伴飯同餃子等。
-
前菜係辣醃蘿蔔，食落小辣辣，口感爽口，味道開胃。
-
1️⃣⃣ 醬炒牛肉石鍋芝士拌飯💰128（👅: 8/10）
醬炒牛肉石鍋芝士拌飯
$128
12 瀏覽
1 讚好
0 留言
石鍋好處就係食咁耐溫度仲可以保持。
配料有蛋絲、紫菜、蘿蔔絲、菇、芽菜、翠肉瓜、菠菜等。
可以睇到芝士拉絲效果明顯，加芝士有加分，但芝士份量可以再多D。
辣醬係分開上，可以自己調節個辣度，食落辣味唔重反而帶甜味，牛肉炒得香口。
飯底係用養生既韓式紅米飯取代白飯，有麻油香，如果要食飯焦就要等一至兩分鐘先撈，香脆既飯焦會豐富左拌飯既口感。
配料夠多，有爽口既配料再加飯焦，食落口感豐富。
-
2️⃣ 雪濃湯 💰138（👅: 9/10）
雪濃湯
$138
13 瀏覽
2 讚好
0 留言
同樣係用石鍋，溫度足夠，飲落熱辣辣。
配料有好多塊小牛肉、蔥花、洋蔥絲、粉絲，配料份量多，飲哂成碗都飽飽地。
用牛骨同牛肉長時間熬煮而成，飲落牛既肉味好足夠，甜味好甜係牛既鮮甜味，如果加飯或者粉絲食應該好入味，但因為有叫餃子所以無加配。
牛肉唔會好韌，幾嫩幾淋，大小適中。洋蔥有為呢碗牛湯做點綴，無論香味定係味道，成碗飲哂都唔覺得口渴，真係佢地主張既唔落味精。
-
3️⃣⃣ 餃子王💰16（👅: 8.5/10）
餃子王
$16
12 瀏覽
1 讚好
0 留言
餃子都係即點即蒸，係非常韓式嘅大粒餃子，由韓國直送，每粒餃子都會有個小蒸籠裝住，係香港搵左好耐都搵唔到呢種餃子。食落係好大隻既韭菜豬肉餃，內餡分量多，多到爆餡，韭菜豬肉比例適中，味道足夠唔點醬油都夠，咬落有肉汁，香口飽滿，餃皮呈半透明，適中唔算厚，皮薄餡靚係，幾出色既韓式餃子。
-
4️⃣ 泡菜餃子王💰16（👅: 8/10）
泡菜餃子王
$16
8 瀏覽
1 讚好
0 留言
識落泡菜味唔算話好強，所以唔會話好辣，唔食得辣嘅人絕對食到。
內餡有泡菜、豬肉、蔥、粉絲，食落會比餃子王重味，小小搶過本身餡味，但又唔係泡菜個種勁既辣味，係小小甜辣，如果重口味既人應該會鍾意呢個多D。
-
🌟雖然呢間韓國野既價錢比一般高(其實唔叫餃子都夠飽)，但以食物質素同種類黎講係算幾高，一黎可以食到呢種大大隻既韓式餃子，二黎韓式湯品好飲之餘又無味精飲落唔會覺得口渴，如果想食高質既韓國菜又唔太介意價錢貴小小可以一試。
-
👅味道: 8.5/10
🍴環境: 7.5/10
💰消費: $150 (服務費: 10%)
張貼
